lukas ya at tinuki kaniti ing tornu a mispas karing
mangaragul a posti anti mong balang kanyun. Minugun la
ring tabla mengakalag la pangapaku, minyulapo
ing sabla at king metung mung saglit misalbag ya ing
makina at meramdam ing makapangilabut a kalaksing.
Minukyat ing makapal a yalikabuk; ing makatakut a
gulisak a binilug da ring libu-libung siwala kitmwa’na
angin. Megulu la ring sabla, ati’nang pupulai, ati'nang
tatakas at tutu la mung ditak ding dinulung king kulkul.
Bukud mung i'Padre Salvi at i’Maria Clara ing
é mikimut, maputla at alang amanu.
Inyang linipas ing alikabuk, ikit deng makatalakad i’lbarra busal detang tablang mangakapal, kwayan, lubid bakal pilata'ning tornu at ning batu a king uli ning bilis na pangasaldak ligpak na’t biksak ing sabla. Ing bayntau tatalna’ne pa ing kutsara at lalawa’neng misdan ing bangke na ning metung a lalaki a makalangan karing bitis na halus makapatan karing ta blang mangakapal.
"E ko mete? Mabye kayo? Ginu ming Dyos, obat é ko magsalita!” ngara ring mapilan a empleadu king mitmung takut a kapigaganakan.
“Milagru! Milagru!” ngarang gugulisak ding mapilan. “ ‘Me ko keni at kwanan ye ing bangke na ning alang kalma!” nganang Ibarra anti mong bayung gising king metung a paninap.
Kabud dimdam nang Maria Clara ing siwala na mebating ya sikanan a halus mebungsul ya at mipahilig karing takde ning kakalugura’na.
Miniral ing maragul a kagulwan. Ding sabla sasabi la, kukumpas, pupulai keni't keta, tipa-manik king kulkul, mengasdan at mengatilihan.
"Ninu ing mete? O mabye ya mo?” ing kitang ning alperes.
Akilala re ing bangke na ning lalaking dilo a makatalakad siping ning tornu.
"Dakpan ye ing mamahala king obra,” ing minunang sinabi ning alkalde.
Sinyasat de ing bangke, pekiramdaman de ing salu na dapot ing pusu e ne titibuk. Mituran ya king buntuk at ing daya lulwal king arung, king asbuk, at karing balugbug. King batal na menakit lang bakas a
