Itang pamagsalita na nitang magbubukid a ketang aldo
pilotu, é makabage ketang aske na at pangabili.
"Naming buri yung sabyan?” nganang kinutang makalawe ketang taung mipnung himala.
"Aku e ku magsalitang masakit intindyan. Pagpilitan kung magsalitang masala. Ba’kong mipangilag mayap king nanu man panganib kaylangan da kong abayan ban keta ukulan dang ala kong kamalayan ding kekong kasalang. J’lbarra minurung ya.
"Ding kasalang ku? Atin kung kasalang . . .?"
“Atin ta ngang kasalang, ginu, ibat king pelalung malating niknik angga karing tau, ibat king pelalung kalulu angga na karing mabandi at mayupaya. Ing pamikasalang yang kautusa'ning bye!”
Linawe neng e bubulad Ibarra i’Elias.
"Ikayu e ko pilotu at e ko magbubukid, nganang migsalitang maynang Ibarra.
"Ikayu atin kong kasalang karing atyu babo at karing atyu lalam.. .”, nganang Elias at e na pinsingan itang sinabi nang Ibarra. "Mimisip kong metung a tangkang maragul, dapot atin kong tanda king milabas, ing pengari yu, ing kekong Apu mika kasalang la uling atin lang panamdam. King bye iti, aliwa la ding marok a tau ding akakasaman da nune detang marangal.”
"Balu yo ding kasalang ko?”
I'Elias mibule ya at é ya agad mekibat.
"Akilala ke ing metung, itang mete na,” nganang mekibat. Nabengi abalu ku ing é mayap a buri rang daptan laban kekayu king uli ning dimdam kung sinabi na king metung a e ku kakilala dapot é ku ne ataludturan pauli ning sinalaksik ya karing dakal a tau. 'Yan é re kanan ding asan anti mo i'tata na. Akit yu na bukas,' ngana. Deting amanu inaus da ku pansing e mu bukud ing buri rang sabyan ding amanu nune angga na itang taung sinabi kaniti uling itang taung ita ya ing mekisabing magobra king mamahala king pamipaobra at ya ing mekilatlatan mangasiwa king pangabili na ning batu at é man menyawad maragul a kaupahan at migmayabang ya pang dakal a belwan. Aid kung sangkan a matulid nung ba't magsalupsupan ku ketang mayap nang kapagnasan, dapot kening kilub
