ing payntungulan da at e ya makabili king panganib, at
gamita'na ing sikanan ding aliwa ban matupad ing
atul at ing kayatulan a iti malyaring migkamali o kaya
mebalatung, kanita wa. T apot aku inyang inapan ke
king panganib ing marok a tau, ketang panganib a
sidya na para karing aliwa, aku man makabili ku king
panganib. Aku e ke pete, penaya kung ing gamat nihg
Dyos yang makamate kaya!”
"E ko maniwala king mikatagon?”
"Ing pamaniwala king mikatagun katulad na ning pamaniwala king milagru uling kaniti mayayakit king maniwala tamung ing Dyos e na balu ing payntungul. Nanu wari ing pamikatagun? Metung a bage mapalyari a e na pyadyan ning ninu man. Nanu naman ing milagru? Metung a bage misasalansangan, metung a pamamaluktut king tune lakad ning yatu. Ttang malilyaring alang kapyadyan at itang malilyaring laban king kautusan ning yatu a maglaman king kataJinuban a palakad king pangimut ning yatu mangabaldugan adwang maragul a kakulangan.”
"Ninu ikayu?” nganang mikukunut minulit kinutang Ibarra. "Megaral kayo?”
"Meniwala kung masapsap king Dyos uling mebating ku kapaniwalan karing tau,” ngana ning piloto at e na pekibatan itang kutang.
Ukula’nang Ibarra king akilala na ne kapanamdaman itang taung kasabi nang darakpan da. E ne maniwala king hustisya ring tau, e na na kikilalanan ing matulid ning tau ba’nong atulan ding kapara na, tututul ya laban king sikanan at katasan ding mapilan babo ra ding aliwang tau.
"Dapot kaylangan yung tanggapan ing kaministilan tamu ing hustisya ning ketawan nung iti e man ganap hing kayapan,” nganang mekibat. “Ing Dyos, nu la man anti karakal ding pari na keti sulip, e na malyaring, ngaku wari, e na sasabyan masala ing pamalak Na king yuta-yutang nais a mipapagkal busal ning kekatang panamdam. Uli niti, kaylangan at tampa king ing tau mamisan-misan atula'no ding kapara nang tau!” "Wa, nung kaniti ing paksa na dapat mayap at aliwa ing dewakan, ban maglarin at dagdagan ing kayapan at e ban manintang, uling nung magmintis ing atul na ala yang sikanan ba'neng larinan itang marok
