ran ngarang mekibat:
"Marahil mepagal ya. .
"Mepagal ya mo? nganing alperes. "Mekad sinunga ya, ó Kaya meging lunu ya, anti mo ing karaniwan dang sasabyan. Makanya’na ing pamanaral!”
"Metung yang sermun a e karaniwan, mipnung ulaga!” nganing eskribanu.
“Ala yang katumbalas, aral a malalam -a kabaldugan,” nganing periodista.
"Ba’mung ayapusan ing anti kanitang pamanaral, kaylangan ing atin kang bagang kalupa ning baga na,” ngana namang Padre Manuel Martin.
Iting paring agustinu e ne kikilalanan mayap manaral nune masikan yang gulisak.
“O ngayu paya ketang legwa'ning pamagsalita nang tutung mayan para kaya?” nganang tinuglung Padre Salvi.
“Balu yung ing maglutu ning Ginung Ibarra ya ing pekamayap a kusineru keting lalawigan?” nganing alKalde ban maputut itang pisasabyan ding pari.
"Yan sana ing buri kung sabyan,” nganing metung a empleadu, "dapot ing malagung kasiping na tutu yang ditak a kakanan.”
I'Maria Clara mengalare ya.
"Pasalamat ku king Dyos, ginu, king kekong panalala kaku,” nganang malamarine mekibat, "dapot..
"Ing kekayu mung pamanagun keti maragul nang dangalan kaya,” nganang inabudning mekibat ning Alkaide at kaybat kang Padre Salvi:
"Padre, apagumasdan kung king aldo iti tahimik at parating mimisip ing kekong kamalan...”
"Ing Alkaide naman tutu yang mapagumasid,” nganang Padre Sibyla king anyung ating buring sabyan.
"Makanyan ku ugali,” nganang mekibat mayna ning pransiskanu. "Buri ku ing makirandam kesa king sasabi.”
"Ing Kamalan yu kapilan man panikwana'na mg manikwa ya dapot e re ayakwananan,” nganang memiru ning alperes. E na buri iting biru ning Padre Salvi inya minapi ya mata at nganang mekibat:
