ging Papa ya é kasi munta tamu Roma, hehe...
milakad ku pa namang masalese. At nung sakali man mawala
ku bye.. . hehe...”
"E ko migaganaka, Inkung! I’Andoy é na kalingwan ing tiru yeng gawang salikap at lakal. ..”
"Atin kang matulid, Petra; aku man maniwala kung ing anak mu maging maragul yang tau. . . agyang maging metung nya mu karing kutnanan ning pisamban. E ku pa menakit anti kayang king makuyad a panaun abalu na ing kapanintunan a tiru ku kaya. Aganaka na ku rin potang maging Papa ya 6 kaya obispu, kabud pagawa neng salikap ing kusineru na. At ipagmisa ne pa ing kaladwa ku, hehe. . .”
Kabang ukula’ning matwa ing pagnasa’nang iti, kitmwa’neng luyus pasibayu ing kalikut na. "Nung pakirandama’ning Dyos ing karalungan ku at maging tutu sana ing tagimpan ku, sabyan ku kang Andoy: Anak, ilako mu ke ngan a kasalanan at paukyat mu ke banwa. Kanita e tana kayiangan pang mangadi, magkulasyun 6 saling bula. Ing ninu mang maki anak a santo Papa malyari neng dapat king pamikasala I”
"Petra, papuntan me bukas keta bale ba’keng iturung manapyus nito...” nganang mayan a katawan minyabi ning matwa.
“Aba, ikayu naman, Inkong... nanung buri yung sabyan? Ukulan yung ding Papa gagamitan do pa ring gamat da keng pamagobra? O nung ing kura, kura ya mu ala neng daraptan nune na magmisa at magobra ya pota mung marap ya’t gumulut king altar. O ing Arsobispu é ne kakanyan man, magmisa nyang makalukluk .. O ing Papa pamd. .. ing Papa magmisa nya mung makakera at mamepe! Nanu wari ing inukul yu...?”
"E na man makalabis, Petra, nung sakali man mabyasa yang gawang salakut at pataka ban keta 6 nya mu manyawad limus anti mo ing darapta’ning kura banwa-banwa at gagawa'ne pang sangkan in Papa. Aku kalulunusan ko ring santung kalulu inya aku babye ko ring kanakung atitipid.”
Linipat neman ing metung a magbubukid at ngana:
"Aku linutas ku na, kumare.. . ing ana’ku magdoktor ya. Ala nang anti mo ing doktor. . .!"
"Doktor? tuknang na ka ,kumpare; ala nang anti mo ing pari” nganang Petra.
