"Kura? prrr. . .! kura? Ing doktor dakal ya panakitan
at ding masakit panigapwan de, kumare...!"
"Utang a lub ! Ing kura dumurut ya makatatlu ó makatapat at sabya’na mu ing dominos pabiskum, isubu ne ing Dyos, ati'neng kwalta. Ding sabla ipagtapat da kaya ing lihim da angga na ding babai.."
"O ing doktor mo? Nanu ya wari ing doktor king isip yu? Ing doktor akakit na ing anggang atyu kekong babai at pupulswa’no pa ring dalaga. O aku bisa kung magdoktor agyang paruminggu mu...!"
"O ing kura mo e na wari akakit ing akakit nmg doktor yu? At maygit pa...! E ye balu ing kasebyan a: ing manuk a mataba at pwad a bibilugin para king amung la. . .!"
"At ding doktor wari mumulam lang tuyo? Mangagalus la taliri king asen?'
"O ing kura naman dirinat ya gamat anti mo ring mediko? Nung inya atin yang mangalapad a gabun at ngening atin yang daraptan babagayan de pang musika at sasaupan de ding munisilyus 1”
"O ing papagkumpisal e obra, kumare?
"Magobra ya kanita? O nung arapat yu mu mekad kumpisalan yo ding sabla, e. .. Magobra ka wari at mipawas para pakyalaman mu mu nung nanung da raptan da ring lalaki’t babai at nung nananu la ring siping bale? Ing kura makalukluk yamu at ing sabla sasabyan da kaya. Nung misan pa matudtud ya dapot kaybat ning adwa o atlung bendisyun maging anak na katamung pasibayu ning Dyos 1 0 nung malyari ku mung kura king misan nang aldo ning kurisma!”
"O ing pamanaral? Yan é yu asabi kanakung é pamagobra. E yu ikit nung makananu yang memawas nanding abak ing maragul a kura?” ngana ning kumparing é bisang pasambut.
"Ing pamanaral...? Obra ing pamanaral? Kumpare, nu mu bibili ing kaukulan mu? Malyari kung magsalita agyang kapitnang aldo pa uling keta babo pulpitu malyari kong sumbatan at pimwan ding sabla at metung man alang mangangas makibat at kaybat bayaranan daku pa ! Maka pag-kura ku ss agyang misan mung abak potang sisimba la ding maki utang ka-
