ya sindu na ing pamisabi rang Maria Clara at anti na
mong e dimdain ing sinabi ning pari.
"Makanyan man, sukat nang balakan ning kekong kamalan. .
"Alben yu,” nganing pransiskanu at é ne penayang milud a sasabyan ing alkalde, “ita mung metung a alang balu, itang peka masangil tamu keti, mekapatalakad yang ospital a mayap, masanting at mura. Megobra lang masalese ding upaha’na at ing babayad na karela walu mung sikolu ing aldo bagkus manibat la pa karing aliwang balen. Iti balu nong pakyutusah at é re kalupa deng aliwang mayangin a buntuk at mistisu uling deti paragulan do lub ding magobra at upahan dong atlu o apat a pesus ing aldo.”
"Ngayu upahan na la mung walung sikolu ing aldo? Aba, é malyari ita!” nganing Alkalde ba'nang yaiiwa ing pisasabyan.
"Wa, ginu! at yan ing sukat dang apusan deng magbansag mayap a kastila. Kanyan mayayakit king ibat ketang mibusni ya ing Canal Suez, ing kasiran miras keti. Ketang ing pamaglayag liliput pamung marayu king Cabo, é la miraratang keti ding manyira at ala namang miraras karin a ibat keti ban maging marok!”
"Dapot Padre Damaso. ..!”
"Ikayu, lubus yu neng kakilala nung nanu ya ing indya. Kabud mekabalu yang ditak, awsan da neng doktor! Deng anggang sipunan a mame Europa...”
"Dapot. . . pakirandaman na ku sana ning kamalan yu,” nganang salabat ning Alkalde a meliswas karing amanu nang mangataram ning pari.
"Ding sabla tanggapan da bandang tawli ing makabage karela!” nganang tinuglung. "Ing gamat ning Dyos yang mamilatan kaniti, at bulag na ka mung tutu nung iti e mu pa akakit! Keti pang bye iti tatanggapan da na ing parusa ding pengari ra ding anti karen a lasip. . . mangamate la king sukulan... he! he! at malyari tamung sabyan king ala lang.
E na asundu ing buri nang sabyan. I'lbarra tutukya'ne ing magsalita karing panimanma'na, maputla, gagalgal. Inyang damdama'na ing patunggit king pengari na, tinikdo yang bigla at lindaga'ne ing pari at digpa king buntuk niti ing misna bayat a dugdug
