wa mung lalabas dapot ing excomunidn.. . palkaran me
mg metung nang pekakatawan Hesukristo. .. King
kasalanan a yan alang makapamatawad nune mu ing
Papa!”
"Ing Dyos yang mamatawad uling Ya yutus nang igalang la ding pengari at ing Dyos e na ko isakwil! At sasabyan ku kekayu, nung ing taung yan dumalo ya keta kaku tanggapan ke at pakipagsalitan. Nung atin kung anak a dalaga buryan keng maging manuyang. Itang anak a mayap, maging asawa yang mayap at maging mayap yang pengari, yan yang paniwalan yu, Hermana Rufa!”
"Aku, é ku makanyan a pamalak. Sabyan yu na ing buri yung sabyan, aku paniwalan keng maigit ing kura. Bayu ing sabla, iligtas ku ne pa ing kaladwa ku! Ngayu paya, Kapitana Tinay?”
“O naming buri yung sabyan ku? Ikong adwa atin kong matulid, ing kura man maki matulid ya dapot ing Dyos sukat yang atin mu naman. E ku balu ing isipan ku uling metung ku mung alang balu. Maya'pang sabyan ku king anak kung tuknang neng magaral. Sasabyan da deng byasa bibitayan da la mu! Maria Santisima! Ukula'na pa mong munta Europa ning ana’ ku!”
"Nanu ngeni ing ukulan yung daptan?”
"Sabyan kung d ne darayu king siping ku. Numanu ya pa mong magpakabyasa? Bukas o makadwa mate tamu mu, mate ya ing byasa anti mo nung makananu yang mate mu naman ing butang. Ing sukat panikwanan itang mye ta sang payapa..
At saka ya mengisnawang saldak iting matwang maganaka at miglalawe banwa.
"Aku naman,” nganang migsalitang tutwanan Kapitana Maria, "nung masalapi ku mung kalupa yo, pabustan kong maglayag ding ana'ku. Anak la pamu at buri ku ing akit kong maging tune lalaki nung datang ing aldo. .. Nuna anti ing bye kung makatagan... karin, ketang aliwang bye kari’na ke mikit... Ding anak, nung arapat da mu, sukat lang makarapat migit karing karelang Ibpa uling nung manatili la king sepupunan tamu itang Indu maging anak lang malati kabang- kaba...!”
