"Dyos ko, ba’t e ka magsalita ! Nanu ing milyari?”
"Ing pitatakutan ku,” nganang mangalengale Iwang pasaldak mekibat. "Mesintang ing sabla ! Inutus nang Padre Damaso ing siran ku ing pamitangwanan da, nung ali keti pa sulip myatula’na ku at angga na ketang aliwang bye. Ila ngan makanyan ing sinabi ra kaku pati na i'Padre Sibyla! E ko malyaring papanikan pa keti bale! O makananu la ring migit limang pulung libung pesus a utang ku kaya? Sinabi ku iti karing pari dapot e ra ku pinsingan. 'Insanu ing buri mung mabating,' ngara, 'ding limang pulung libung pesus 6 ing katawan mu’t kaladwa?' Ay! San Antonio, nung balu ku mo . .. nung balu ku mo . .
Sisiguk ya i’Maria Clara.
Inarapa'ne iti at ngana: "E ka kikyak, ana’ku, ika é na ka kalupang Inans mu. Ya e ya kikyak nune mu inyang kakagli ya. Sinabi na kakung Padre Damaso dinatang yang ibat Europa ing metung nang kamaganak at iti tatagulaling neng maging kakaburi mu...
Tikpa'nong Maria Clara ding balugbug na.
"Dapot, Santiago, mamulang ka?” nganang ginulisak tya Isabel. "Sabyan mung makikaburi ya ngeni king aliwa? Inta baket, mayan wari king anak mu ing pamanaliling kapalsinta a katulad ning pamanaliling bistido?”
"Makanyan mu naman ing isipan ku, Isabel. I'Don Crisostomo atinan ya. . . ding1 kastila makyasawa la uli na mu ning kwalta. Dapot, nanung buri mung daptan ku? Aku man belan da kung ma-excomunion mu naman at ngara ing manganib kung maragul, e mu ing kaladwa ku nune pati na katawan. .. pati katawan kanii, darandaman mo. . .? pati katawan ku!”
"Dapot ika lalu mya mung lulugmuk king pagmalun ing anak mu! E me wari kakaluguran ing Arsobispu? Ba't e me sulatanan?”
“Ing Arsobispu prayli ya naman, at nung nanung sabyan ding prayli ya ing dapta'na. Dapot, Maria, e na ka kikyak. Datang ya ing Kapitan Heneral at buri na kang akit at e masanting ing akit nong malutu ding mata mu. .. Ay! bala’ku mo maging masigla ya kaku ing gatpanapun a iti. . . nung e mu ing ligalig a iti aku sana ing pekamatulang diling tau at ding sabla marirya
