la kaku. Manahimi’ka, ana’ku. Labis king keka ing
kealan kung kalma, dapot e ku manangis. Ika malyari
kang mika kapalsintang lalu pang mayap, dapot aku
kabatingan kung limang pulung libung pesus. Ay!
Virgen de Antipolo, nung mika mayap ku mung kalma
king benging iti. ."
Ing akbung, ing kalugkug ding saken, ing palatuk ding pupulaing kabayu, ing miisikang titigtig king marcha real yang mamalita king panyatang ning Kagalanggalang a Gobernador Heneral ning Pilipinas. Milai yang sinalikut i'Maria Clara king silid na. Kalulung dalaga ! Pamyalungan de ing pusu mu ding taung alang pakundangan pablasang e ra kakilala ing masela’nang panamdam!”
Kabang ing bale kakatmu ya karing tau at mararamdam misusumangid ing mabayat a takbang, ing siwalang mumutus karing sundalus, ing kaluskus ding sabli at ing kalatuk ding botas a maki bakal (espuelas), ing malsiming dalaga naman makasiklod ya arap nang larawan ning Birhen a makitulad kaya ketang malungkut nang pamagdilidili, at king dusang makagulis ke tang larawan alang makibalu nune mu i'Delaroche a balamu wari ikit ne kanita ing Birhen inyang menibat ya king pikutkuta’ning Anak na. I’Maria Clara e na isipan ing sakit a daramdama’na ning Birhen ketang larawan nune mu ing kayang sariling panamdartian. Makaruku ya at ding adwa nang gamat makatimid la king lapag. Balamu wari pu’ne ning metung a asusenang beluktut na ning bagyu. Malagung kabukasan a peninap na’t inirug king makabang panaun, maningning a tagimpan a sipwak ning kayanakan d dela nang meragul king pangadalaga at meging dake ning kayang pangatau, at ngeni king metung mung amanu buri rang maoda ngan ita king kaisipa’na’t dusu ! Kislap a mipda king banal nang pamigunam at kamatayan king tibuk ning pusu!
I’Maria Clara metung yang mayap at maganakang babai at penganak a malugud. E rya mu pematakutan ing excomunion nune pa naman sinintang da ing karatuna’na bye ning pengari na at pagnasan da pang lagpakan ing pamakipalsinta'na. Ngeni pamu kari'na dimdam ing upaya’ning pakamal na. Itang lugud aita katulad na mu ning matunud nang agus ning metung a ilug napun nakadwa na. Mabanglu lang bulaklak
