a luklukan, layun titiman maki sunu, "nung ding sablang
susuyu king Kamalan ku katulad nong Padre Ddmaso buri ku pang
aku nang sumuyung dili ku king
kakung Kamalan!”
Ding paring mengatigilan king malilyari lalu lang mengasdan a kaladwa ketang sinabi na.
“Luklu'kayu,” nganang tinuglung kaybat at binayu na itang maki mwa nang siwala. Linub yang maka-prak at titikad i’Kapitan Tiago.
Tatayra'ne i'Maria Clara a linub mikakunu at mipnung dine. Dapot binye na ing mahinhin at magalang nang puge.
“lya ing anak yung dalaga?” nganang mipamulalang kinutang ning Kapitan Heneral.
"At kekayu ya naman, kakung Heneral,” nganang e mayling Kapitan Tiago.
Ing Alkalde at ding talasaup mengamulagat la dapot ing Kapitan Heneral a e meuman ketang aske nang marangal, tela’ne gamat at nganang malugud sinabi:
"Nwan la ring pengaring ating anak a katulad yu, dalaga! Babalita ra ko kaku king ganap a kalangalang at pamagmulala. Pignasan kung akit da kayu ba'kung pasalamatan ing makawiling depatan yu king aldo iti. Abalu ku ing sablang milyari at potang sumulat ku king Kapamahala’ning Ari e ku kalingwan ing maulagang depatan yu. Ipaintulut yu naman kaku ngeni, dalaga, king lagyu ning Ari, bilang pekakatawa’na, ning Aring malsinta king karatunan at kapayapan da ring tapat nang sasakupan at king kakung sarili, anti mong Ibpang ating anak a dalagang katulad yu, yampang ku ing malusu'kung pasalamat at atin kung munikalang kayablasan kaniti!”
"Ginu...!” nganang gagalgal Maria Clara. Aulingid ning heneral ing buri nang sabvan ning dalaga inya ngana:
"Balu kung labis na kekayu ing mekarapat kong mayap at ing lugud da kekayu ding kabalen yu at iti yang peka-maulagang galal yu at ikami e ke malyaring manayang migit pa king depatan yu. Dapot e yu naman sana dadayu kaku ing nais kung samantalanan iting masanting a pamikatagun ba'kung ipakilalang ing Hus-
