tisya nung byasa ya mang mamarusa, byasa ya namang
munye galal at e ya kabang panaun bulag!”
Sinabi na iti masikan at matimid.
"Ing Ginung Juan Crisdstomo Ibarra panaya'na pu ing utus yu, Kagalanggalang a Heneral,” nganang masikan ning metung nang kayantabe.
Mengilabut ya i'Maria Clara.
"Ah!” nganang mesigla ning Kapitan Heneral, "ipaintulut yung mikit tamung pasibayu bayu ke lakwan ing balen a iti. Dakal pa ing maulagang bage buri kung sabyan kekayu, Ginung Alkalde, tukyan yu ku king pamaglibut kung lalakad kaybat ming mipagsalitang dilidili ning Ginung Ibarra.”
"Ipaintulut yu pung ipabalu mi kekayu king ing Ginung Ibarra excomulgadu ya,” nganang magalang sinabing Padre Salvi.
Ing Kagalanggalang a Heneral nganang sinalabat:
"Pasalamatan ku na mung e mabayat d panamdaman i'Padre Damaso, at taimtim kung pagnasan ing mipaldan ya sang agad uling ketang ketwa'na e pa mayap kaya ing maglayag muli Espana lalu na atyu king kapanamdaman. Makanyan man, yang bala... at kekayu naman pagnasan kung saupa’ning Dyos ing Kamalan yu!”
Tunggal-tunggal lang linwal.
"At ngana i’Padre Ddmaso yang bala,” nganang bubulung Padre Salvi.
"Alben ta pin nung ninung munang mabating karelang adwa,” nganang tinuglung ning rnetung a pransiskanu.
"Mako ku ngeni mu rin,” nganang masukal a lub Padre Sibyla.
"At ikami muli na ke karing lalawigan mi,” ngara ding agustino.
E ra ayamyam ing king uli na mu ning kasalana’na ning metung a pransiskanu makanyan lang tinggap na ning Heneral.
King antesala asalubungan de i'lbarra, ing minampang pamangan karela nandin pamu. E la mipamuge dapot milawayan la king lawe dakal a buring sabyan.
Ing Alkaldi naman, kalako ra ding prayli, pigaya’ne at telanan a gamat palagelub, dapot king panyatang
