ing balu mi king bansang iti at lalakwan mi ya nung
kapilan ke magmula pamung makabalu king panugali
keti. Kekayu, makapagtapat ku uling iti ya ing sukat
kung daptan. Nung karin Espanya a nung nu ing balang dake
ning Kapamahalan atin yang sariling mamuntukan a mibait at
meragul ketang kabud lugal na,
nung nu ating pahayagan at timawang pamalak, nung
nu ing tapat a pamanyalungat ya ing babye sala karing
mata ning Kapamahalan at mituturu king mayap nang
paglakad niti, karin kabud dakal ing kamalyan at kakulangan
a mararapat, inya maging metung a milagru
nung keti pa mo e mayakit at miral ing kagutgutan
ngening keti ala itang anggang maulagang paralan at
palakad a magagamit karin, lalu na keti, ating kasalang
a mayupaya a mabibye at gugulung manyira busal ning
dalumdum. Ding keti sasakup maragu'la lub dapat
mayap dapot mapipilit keng manalig karing mata ra’t
takde ring aliwa at madalas, deti e mi la lubus kakilala
at nung misan pa ing ikakayap dang sarili ya ing lilingunan
da king karina'ning sumaup la ba'yang minono
ing bansa. Iti e mi na kasalanan nune yutus na ning panaun.
Ding prayli man sasaupan da kami dapot e no
managyu. Kekayu atin kung pamaniwala at pagnasan
kung iti sanang dakal nang kamalyan ning Kapamahalan
mi e na ko alinlanganan. Aku e ko malyaring banten ding
sabla at e ring sabla malyari namang lumapit
kaku. Nanung malyari kung arapat kekayu? Atin kong
buring adwan kanako?”
Migunam ya i’lbarra.
"Ginu,” ngana, "maragul diling imbut ku ing kaligaya’ning kakung bansa, kaligayan a pagnasan kung ipagkalub ning Indung Espanya king uli ning pamagmalasakit ding kabalen ku. Ita at ding memalen misanmetung la Sana kabangkaba king buklud ning masanting a pamiyutus, milulupa paksa at milulupa masabal. Iti pung adwan ku, malyari nang aibye ning Kapamahalan kaybat ning makabang panaun a pamagmalasakit at manapat a kapanumanan.”
Ing Kapitan Heneral linawe neng maratna sinaguli kabang lalawa’nya namang Ibarra.
"Ikayu pamu ing kaunan-unan a akapagsalita kung tune lalaki king bansang iti!” nganang mipamulalang sinabi at telana'ne gamat.
