"Ing kekong Kagalanggalang a Kamalan ila mung akakarungut na deng magpatukituki king buntuk-kapulwan uling e yo pa adalawan ding ipanganyaya rang kubu karing sibabalen mi. Kareng kutang den karin yu atuklasan ding talagang lalaki, nung ing lalaking buri yung sabyan iya itang maki pusung mapamakalulu at maki ugaling maka-malda!”
Ing Kapitan Heneral tinikdo ya at linakad pabahkbalik king sala.
"Ginung Ibarra,” tinuknang yang bigla king lakad na, at ing kasabi na tinikdo ya naman, "mekad mako ku lub ning pabulan. Ing kekong pegaralan at yang kekong pamisip é makabage king balen a iti. Maya'pa pisali yu ing sablang pibandyan, mamalut kayu at tuki ko kaku Europa. Ing ugali karin makabage kekayu.”
"E ku pu kalingwan kabang bye ku iting kekong ganaka,” nganang mekibat Ibarra king mipnung kapasalamatan, "dapot sukat ku pung manatili keti nung nu la mebye ring pengari ku..
"Nung nu la mete,” ing sukat yu pang sabyan.
"Mekad kakilala keng migit pa kekayu iting kabud balen yu. . . Ah! ngeni ku aganaka, makyasawa ko pala king metung a dalagang makabage samban at binalam da ko keti!” nganang maganakang sinabi. "Ume na kayu, ume na ko king siping na, at ba’kong timawang makapipagsalita papuntan ye kaku ing pengari na,” nganang makatiman tinuglung. "E yu sana kakalingwan ing buri ra kong akayabe magpasyal.”
Dinuku ya i'lbarra at saka ne meko.
Inaus ne ning Heneral ing talasaup na.
"Matula kung bina!” ngana kabang pipikpika’ne pago. "Ngeni ku pamu abitasa king ing metung a tau pala malyari yang mayap a kastila at mayap mu namang pilipinung malugud king tibwa'na. Ngeni pepakit ku karing pari ing e ring sab’a agawa rong pyalungan da mu. Itang taung ita dinina'na kung pamikatagun at ngeni malyari na keng mipaglinis kwenta ning prayli! Pigaganakan kung datang ing aldo at yang baintaung yan. . . maya'pa awsan me ing alkalde!”
Ing Alkalde dinatang yang agad.
"Ginung Alkalde,” ngana pamaglub na niti. "ban keta e na myulitan pa ing mepalyaring atangalan yu nanding ugtung-aldo, itang pagkalungkutan kung
