milyari pauli ning makaumis king Kapamahalan at karing
sablang kastila, ipaintulut yung ipakisabi kung
alalayan yeng mayap ing ginung Ibarra at e mu bukud
ing sawpan ye king anggang kaylanga’na ba’nang asundu
ing kayang tangkang makabalen, nune pa naman
panikwanan yung king tutuki e ne sana alinlangan ning
ninu mang tau at king nanu mang kasangkanan.”
Tengwana’ning alkalde, at dinuku ya king kapanabilinan, ba’yang e maulatang megulu isip.
"Ipabalu yu naman iting bilin ku king alperes uling ya ing mamaha'a king dane keti at pakibalwan yu naman nung iting alperes darapat yang makalwal karing tuntunan uling dakal ku tatanggapan a sumbung dikil kaniting bage.
Linub yang masyas a tilad i'Kapitan Tiago.
“Don Santiago,” nganang malugud migsalita ning Heneral, “nandin pamu dininan da kong mayap a oras pauli ning kalma yung mika anak a anti mo ing dalaga yu. Ngeni naman dirinan da kong mayap a oras king uli ning payntungul yung manuyang. Ing masainyung dili karing dalaga keti mangaintulid ya king marangal dili karing memalen keti Pilipinas. Malyari kung abalu nung kapilan ing kasal?”
"Gino,” nganang urut-urut sinabing Kapitan Tiago kabang pupulisa'na ing sinagese nang pawas king kanwan.
“Mekad ala pa ping makatuldung aldo king kasal da. Nung sakali kulang la ring tegawan, matula kung maging metung kareti 1 Baif miyablasan naman itang makasorang kasalan a mengalabas a nung nu ra ku gewang tegawan,” nganang tinuglung migsalita king Alkalde.
"Opu,” nganang Kapitan Tiago kambe ning tima’ nang makalunus.
I’lbarra halus papulai yang manintun kang Marla Clara. Dakal ing buri nang sabyan at ibalita kaya. Mekarandam yang masiglang siwala king metung karing silid at minaus yang mayna.
“Ninu ing mamaus? nganang Maria Clara.
“Aku...!”
Migtahimik at ing pasbul e ya mibuklat.
