o kaya sali lang metung karing malati at malutu anti
mo ing gagamitan da ring intsik karing dambana ra.
Libutad ding gaganap king limbun ala lang tuknang balik-balik ding agwasil mayul a manaregia karmg susulu ban e mapatad ing limbun at e la punggul ding tau. Deti magdala lang taiktik at king uli ning karelang pamagmalasakit, ing gilas, ing sigla at ing ningning ning limbun, maging diwa karing kaladwang sasalpantaya at king e karaniwa’nang degulan ning prusisyun.
Bista man deting agwasil mayul tataiktikan do ring sisira king ayus ning limbun, babye no mang kandilang alang bayad karing mangaylangan .
"Ginung Alkalde,” nganang sinitsit Ibarra, “yang barug a daraptan da ring agwasil king taiktik da, bilang parusa king depat dang kasalanan ding matataiktik ó uli namu ning tula ra ding agwasil...?”
"Atin kong matulid, Ginung Ibarra,” nganang mekibat ning Kapitan Heneral a mekaramdam king kutang na. "Yang lasip a dapat a anti kanyan, makasdan kaninu mang manakit a menibat king aliwang bansa. Sukat ibawal yan. .
King e ra balu nung bakit ing mumunang santus a Jinto i’San Juan Bautista. Ketang itsura na balamu e re makaing sikamwangan ding memalen uling ing andas na luma ne, at ketang imala’nang susulud kawangis yang ermitanyu bista man kabitis at kabutit yang dalaga. E ya man lalto masalese uling tatakpan de ring parul a e man makasindi a darala ra ding pung gul a anak. Bagkus i'San Juan Bautista pisa’ne ning Ginu tang Hesukristo.
"Ala kang kalma!” nganing pilosopo Tasio a manalbe king dalan. "Alang ulaga pala ing meging mumuna kang mikalat king Mayap a Balita, at king arapan mu karin ya pa dinuku i’Hesus. Alang ulaga pala ing kasalpantayanan mu at tetagan, q ing mate king katutwan at king sarili mung kapaniwalan. Yang sablang yan kakalingwan ding tau kabang alang maragul a bage nung é mu ing sarili nang kayapan ning balang metung! Ing pamanaral king pisamban maki pakinabang pa, agyang e masalese ing aral, kesa king aral a matinu nung iti daptan mu libutad marangle, yan ing tuturu ning Pi’ipinas. Nung mengan kang pabu lugal a me-
