ngan kang durun, mimalan kang sutla king rnetung a
kapisanan ding pari. . .”
Tiknang ning matwa ing pamamalsala na uling daratang ya i’San Francisco, “Nanung sinabi ku?” nganang maki sunung meyli. “Oyni makasake yang karosa, at Ginung Dyos! kasanting a karosa! Karakal a sulo at kapilan man king bye mu é mu tengalan ing makanyan, Giovanni Bernardone! (Iti yang lagyu nang San Francisco de Asis inyang é pa mig-santu.) At kasigla ning musika! Yang tigtigan a anti kanyan é ra dimdam ding talatuki mu kamate mu! Dapot kagalanggalang at mababa lub a talatatag (fundador), nung mabye ka ngeni, ala kang akit nune mu ring mibaba uring Eliases de Cortona, at nung akilala ra ka ding talatuki mu isukul da ka ngeni at mekad maging akatulad me kapalaran i’Cesareus ning Spure!”
Kaybat ding bandang musikus makatuki ya ing bandera ning santus at ken makalarawan yang maki pitung pakpak at iti darala re ding makayanib king kapisanan ding Hermanos Terceros, a maka imalan ginggun at mangading masikan dapot king siwalang malungkut. Ing tinuki kaya i’Maria Magdalena, santang tutung malagu, maki bwak a malabung at ding taliri nang mitmung singsing a brilyanti tatalnan de ing rnetung a panyung pinya at burdadu, at maka imalan yang sedang pemaltakan gintu. Makapatulug yang sulu at insyensu. Akakit mu ing Iwa nang bubug at mayayaninag ing kule ning sulung ibat Bengala a babye rnetung a bage pagmumulalan king limbun, uling ing palpikasalang santa maglwa yang berdi, neng kai gintung malutu, neng kai asul. Ding pibalebale magmula lang manyalaing sulu potang lalabas da ne i 'San Francisco. I’San Juan Bautista e na kimtan ing dangalan a yan inya memalagwa yang linabas anti mong mipakarine ngening ya mu kabud ing maka imalan balat-tupa busal da retang dakal a makabalut gintu at mangamal a alahas.
“Oya'na ing mal tamung santo!” nganing anak ning gobernadorsilyo karing bisita na. "Pepasulud ko ring singsing ba'ku mung muli banwa.”
Ding susulu tinuknang lang makapatulug king entabladu ba’rang damdaman ing parangal!” Ding santus tinuknang la naman. Ding santus o ding mamusan da
