tali king karu ning Birhen a paganaka karing patipating
kukulyut king karu ning dyosa ring bulaklak (Primavera).
Ding anggang santu tahimik nong makatipun ban makiramdam king parangal. Ding sablang panimanman makatangad la king tabing a makabusning ditak. Katatawlyan ing metung a matimid á ah! linwal ya karing labi ring tau.
At maki matulid ing pangasdan ding lalbe uling bigla yang linto ing metung a anak a maki pakpak, maka botas yang panyake kabayu, maka banda, maka sinturun at maka kupyang maki pakpak.
"Ah! ing Ginung Alkalde,” nganang ginulisak mng katau, dapot ing anak a minaus king pansing ding sabla pigmula’ne ing kayang bersu at ing Alkalde é na penamdaman ing pekilupa re kaya.
E mi alikas pa kaniti ing sinabi na king latm, tagalug at kastila at maka bersu ngan, niting anak a geyak ning Gobernadorsilyo. Ding babasa metula nong tutu ketang aral nang Padre Damaso nanding abak at é mi pagnasan ing puryan mi iti uling ing pransiskanu malyari yang sumukal a lub kekami nung ilawe miya pang kalaba'na king pamagsalita, at iti pangilagan mi pablasang tau keng payapa.
Belaus da kaybat ing limbun. I’San Juan tikya’ pya ring ing malungkut nang dalan.
Kaybat ning Birhen king bale nang Kapitan Tiago, metung yang makawiling dalit ing minugse king Birhen karing amanu ning angel. Metung yang siwalang malambing, mayubu, manigapu at tatangis ne ing Ave Maria nang Gounod, babagaya'ne ning pyano a anu mong manalangin mu namang kayabe na. Ing tigtigan ding musikus tinuknang, ing panalangin anti murin at ing kabud Padre Salvi mipatigil ya. Ing siwala gagalgal ya at managkat yang Iwa. E ya mu bukud parangal ing dalit nune metung yang malungkut a patnube, metung yang dalung.
I'Ibarra daramdama'na ing siwala angga ketang awang a nung nu nu ya makatando at myatdanan yang maragul a kapigaganakan at king pusu na mcnaglus ing lungkut. Akilala nang ing kaladwa na ning dinalit
