Penik de i'Sisa. Minarap yang alang kanglap, alang
takut kang Donya Consolacion. Iti menandaman ya
kaniting ikit na kang Sisa uling ukula'nang king mamulang
alang ulaga ing katasa’ning "musa ding guardia
civil” a maniwalang ding sabla gagalangan de at katakutan.
Ing alperes sinigam ya at sininyala'no ring sundalus balang
mako. Kinwa ne ing latiku ning asawa na
at nganang sinabing mabangis king mamulang:
"Ale, magkanta ka!”
I’Sisa é na ayntindyan ing sinabi na at pauli na niti niekawat ing mwa na.
Metung king malagu nang ugali ning babaing iti ya pin ing kanwari é ya byasang tagalug at nung nianagalug ya keta na pin mang e ra sana ayntindyan. At kaniti buri na mong ipakilala ing tune yang orofea (tau Europa), anti mo ing parati nang sasabyan. Mayap na mu makanyan, uling nung tatampalasana'na ing tagalug, ing kastila na anti mu rin, at ing pamangastila na ala nu man karing kasulatan angga na ing pangayagkas da ring amanu, bista man ing asawa na, ding sapatus at ding tabureti. depatan da na ing anggang agyu ra ba’reng ituru. Ing metung a amanung pigkasakita'nang abalu, migit pa kang Champoilion, inyang pagarala’no ring pekamasakit a amanu (geroglificos) ing-amanung yan, ya pin ing Filipinas.
Sasabyan da king kabukasan ning kasal da, inyang kasabi ne ing asawa nang kabu pa mu kanita, inaus neng Pilipinas ing bansa. Ing kabu binalak nang katungkulan nang ituru ne ing asawa na, at kaybat neng kinoti, ngana: "Sabyan mu Felipinas. .. babai keka, ka-monwan mo! E mu balung yan ing lagyu na ning balen mo? Nyang balen mung kinwa ra lagyu kang Felipe?” Ing babai naman, pablasang ing tula ning bayung talasawa (luna de miel) yang atyu king buntuk na, memintu ya at ngana: “Felepinas.” Inukul ning kabu malapit na nyamung ayagkas, inya digdaga’ na pa ing koti at nganang mamalsala: "Dapot, babai ka, é me ayagkas ing: Felipe? E me kakalingwan at tandanan me ing Aring Don Felipe. .. kalima. . . ! Sabyan mu Felipe, at idagdag mu nya mu ing nas a king latfn ing buri nang sabyan... labwad ding indyu at yan ya ing lagyu ning balen mu!”
