Sininyala'ne ing abe na at iti tinikdo ya bista
man masakit ya lub at meko la. Mekyapus la ring karela
magsupapi at deti linawe reng marok a mata i’lbarra.
Ing bulungan at ing sitsitan minugung. Linapit la kang Ibarra ding aliwang tau at ngara:
"Ibilang yu keng kayabe yu at e yo papansingan det a!”
"Ninung deta?” nganang mipamulalang kinutang.
"Dctang meko uling e ra ko buring kasalamuha.”
"Manginlag lang makyabe kako? Pangilagan da ko?”
"Wa! uling ngara pisawili na ko ning pisamban (excomulgado).
Mipamulala ya i’lbarra at e na balu ing sabya'na. Linawe ya misusumangid. Ikit ne i’Maria Clara at iti sasalikut ne ing lupa na king abaniku.
“Dapot, nanu ing malilyari?” nganang mengapamulalang kinutang. "Ati ta pa wari king Panaun ning Dulum (Edad Media)? Nung makanyan pala . .
Lepita’no ring dalaga at ngana king mamung pamangamanu:
“Ipanupaya yu ku pa mu. Atin kung akalingwan a katipan ngeni. Magbalik ku naman at abayan da kayu."
"E ka mamako,” nganang Sinang. “Terak ya i’Yeying keng La Calandria. Byasa yang tutung terak.”
“E malyari, kakaluguran, dapot magbalik ku.”
Lalung miragdag ing bulungan.
Linwal ya i’Yeyeng makaganing terak at nganang kinutang: "Babye ing payntulut yo?” At i'Carvajal naman nganang mekibat: "Malaus kayu” at aliwa pa, dinatang la ring adwang sundalus ning Gwardya Sibil at inawad da kang Don Filipo ing patuknang na ing palage.
"At baket?” nganang misdan niti.
"Uling ing alperes at ing asawa na mipate la at é la mipatudtud king inge.”
"Sabyan yu king alperes king atin keng kapaytitulutan king Alkalde Mayor at ninu man keti alang makalabat king kapayntulutan a iti, agyang ing gobernadorsilyo pa bista man ya mu ing kakung pekapun..!"
