E ya mipatudtud i’lbarra pauli na ning milyari. Ba’nang ilili ing é mipayndatu’nang panamdam at ba’nang akalingwan ing myayaliwang malungkut a daralan king kaukula’na, linub ya king silid nang pisasangkapan panulu at megobra ya. Disa’ne ning abak ketang pamisamut na king myaliwang panulu at kaybat nang pisangkap lulula'na iti karing malating boting maki numeru.
Linub ya ing metung a utusan at pepabalu ne ing metung a dalo magbubukid.
"Paluban me,” ngana at é ya melikid man.
Linub ya i’Elias at makatalakad yang é bubulad manenaya.
"Ah! ikayu pala,” nganang Ibarra king amanung tagalug inyang akilala ne. "Ipanupaya yu nung pepanayan da kong malwat. E ra ko agad apansing uling gagawa kung panulung tutung maulaga.”
"E ra ko pangabalanan malambat!” ngana ning piloto. "Dinatang ku uli ning adwang bage. Mumuna: ba'kung ikutang kekayu nung atin kong burmg ipanabilin karin Batangas uling karin ku paynturu ngeni, at kadwa, ba’kung yatad kekayu ing e masanting a balita.”
Ding mata nang Ibarra ilang kinutang king piloto.
"Ing anak nang Kapitan Tiago masakit ya dapot é mabayat ing panamdama'na. ”
"Yan ya ing pitatakutan,” nganang sinabing maynang Ibarra. "E mu balu nung nanung sakit na?”
"Malagnat ya! Nung ala kong panabilin. .
"Salamat, kakaluguran. Mayap a byahi. Dapot bayu ko mako atin kung buring ikutang. Nung ukulan yung e sukat pakibatan, e yu pakibatan.”
