I’Elias dinuku ya.
"Makananu yong apayapa ring tau nabengi?” nganang kinutang Ibarra at linawe neng maratna.
"King mayan mung paralan!” nganang mekibat Elias, anti mong alang nanu naman. "Ding memuntukan king kagulwan a ita, adwa lang mikapatad. Ing pengari ra pete reng barug ding gwardya sibil. Misan a yaldo, mikalma kung aligtas ku la karing gamat ding gwardya sibil mu naman nung ali mekilupa la sa kalma king pengari ra, at iti pepasalamatan da kaku. Ilang pekisabyan ku nabengi at ilang peparimla karing tau.”
"O ring adwang mikapatad a pete rang barug ding gwardya sibil?”
"Mayari la namang katulad nang tata ra,” nganang malale mekibat Elias. "Kabud ing kapahamakan digpa king metung a pamilya, ring anggang bibilug kaniti matampung la. Ing metung a dutung a tura’ning duldul maging abu ya.”
Memu'ne i'Elfas inyang ikit neng mimisip é bubulad i’lbarra.
Kalako nang Elias at migdili-dili ya i’Ibarra itang malalam nang pamisip myalilan king e mu naming lungkut.
"Aku...! akung maki kasalanan king pamagkasa kit na !” ngana king sarili na.
Mibablas yang malagwa at saka ya tinipa.
King dalan, selubunga'ne king kayang lakad at pigayan mipnung galang ning metung a malating lalaking maki byuk-tabak kayling pisngi.
"Nanung buri yu?” nganang kinutang Ibarra.
"Ginu, aku pu i’Lucas, kapatad na nitang mete napun.”
"Oh ! . . . daramayan da kayu. . . O ngeni...?”
"Ginu, buri ku mu pung abalu nung magkanu ing ibayad yu karing pamilya ning kapatad ku . .
"Ibayad . . . ?” nganang minulit Ibarrang e meka pamigil king kayang mwa. "Saka ta na misabi kanyan. Magbali’ka potang gatpanapun uling mamalagwa ku ngeni.
"Sabyan yu mu nung magkanung buri yung ibayad!” nganang mamilit Lucas.
