Milabas na ing pistang balen. Ding memalen, antimo ing malilyari banwa-banwa, milako la laman ding simpanan dang salapi. Megobra la, mepaga'Ia, mepuyat la dapot é ra dimdam ing mekapagsaya lang mayap, é no man miragdag ding sadya rang kakaluguran, king inakuyad a sabi, seli rang tutung mal ing inge at ing sakit buntuk. Dapot é bala. Keng tutukmg banwa, ¹ makanyan mu naman, tutuki, anti murin, at yan ala ¹ nang tuknang a pyugalyan.
King bale nang Kapitan Tiago mimiral ing lungkut. Makasara la ngan ding awang, ding atyu bale e la bitasang mainge, at ing paglakad da makakalale at bukud mung king kusina karin la magsalitang masikan. I'Maria Clara, ing angel ning pibalebale, manamdaman ya. Itang kapanamdama'na makalarawan karing lupa ring sabla anti mo nung makananung milalarawan ing panamdama'ning kaladwa king lupa ning metung a tau.
"Ngamu paya, Isabel, kenu ku sukat munye limus, king krus ning Tunasan o king krus ning Matahong?" nganang malale kinutang ning malsiming tata. "Ing krus ning Tunasan, daragul ya kabang ing krus ning Matahong mipapawas ne man. Isanu karing adwa ing ukulan mung masikan king milagru?”
Minisip ya i’Tya Isabel. Piling ne ing buntuk na at nganang bulung-bulung:
"Daragul. . . ing daragul masikan yang milagru kesa king mipapawas. Itamu ngan mipapawas tamu dapot e ta ngan daragul. . ."
"Wa! tutu, Isabel, tutu, dapot sukat mung abalu king ing mipawas. . . anti mo yang dutung a gagawan dang bitis ning bangku ba’kang mipawas, yan e mu na-
