maragul halus lukut na pilatan ding sintas a kule asul
at malutu. Ing alikabuk king dalan a misamut king
polbung abyas king lupa na anti na pang digdagan ing
kulubut ning kayang lupa, anti mo inyang ikit ta ya
Menila ngeni tatayra'nya naman ing asawa nang pile.
"Marangal keng ipakilala kekayu ing pisan mi, i'Don Alfonso Linares de Espadana,” nganang Donya Victorina at saka ne tiru ing bayntaung kayabe ra. “Inaanak ne ning metung nang kamaganak Padre Damaso, a meging kalihim dang makapasubali ding sablang ministro. .
Ing bayntau memuge yang mipnung timyas. Ditak na nya mu inuma gamat Kapitan Tiago.
Kabang papanik do ring dakal a maleta at aliwang dala ra, at kabang i'Kapitan Tiago darala ne king silid na ning balang metung, ilarawan ta lang ditak deting miyasawang Espadana uling ditak mung tutu ing mesabi karela karing minuna tang dangka.
I’Donya Victorina ati'neng apat a pulu’t limang banwa twa, dapot sasabya’na atlu ya pamung pulu’t adwang banwa. Malagu ya ketang anak-anak ya pa, nganang sasabi king sarili na, dapot anti ning mawiwili yang tutu king sarili nang legwan, linawe no kanung mababa ring dakal a pilipinung magnasa kaya uling ding king aliwang lahi ilang buri na. E ne pigkalub ing malati at maputi nang gamat kenu man, é uli ning é ya tiwala, nune uling e mu misan migkalub neng mangamal a iyas at alahas karing mapilan a maki paningalma mung dayuhan at kalahi.
Anam a bidan bayu ing panaun a kekatang sasalita, metupad murin ing ginintwa’nang paninap, ing tagimpa'ning mabilug nang bye, a king uli niti pepaingguluta’na ing panaguri ning kayanakan, at angga na ring pangaku nang kapalsintan Kapitan Tiago, mipasiwala karing balugbug na king aliwang panaun, o migale king metung a serenata. Tutu meliwag ing pangapalyari ning tagimpan; dapot i'Donya Victorina bistaman e masalese manyabing kastila, maigit ya pang espanyola kang Agustina de Zaragoza. Balu ne ing kasebyan a "Mayap na ing tawli kesa king é malyari kapilan man", at katula nang sasabyan iti king sarili na. "Alang ganap a tula king bye iti,” ngana ning tawli
