nang kasebyan, pauli ning deting adwang kasebyan
kapilan man e no gagkas myagnan arapan ding aliwang
tau.
I'Donya Victorina a milabas na king niumuna, kadwa, katlu at kapat nang kayanakan mamadwas king kailuga'ning yatu ring kayang kapupuyat, migaamut nya mu bandang tawli ketang birya'nang pigkalub kaya ning kalma. Ing kalulu, nung king karinan ding kayang atlung pulu’t adwang abril, mikayatin ya mu sanang atlung pulu't metung — ing e pamilupa king kayang biiang bmang maragul — binalik ne sana king kalma ing lupig a yampang na kaya ban menayang aliwang makayagpang king kayang kaburyan. Dapot anti na ning ing tau makapagtangka ya mu at ing pamangaylangan ya ing papalyari karing bagebage, at ya maragul ne pamangaylangan king asawa, mepilit yang magdamut king metung a lalaking malukang pisawili ning Extremadura. Kaybat ning anam o pitung banwang pamagtipastipas keti king yatu, iting Ulises ning salukuyan a panaun menakil ya king kapulwan Luzon santungan, salapi ampon metung a melanat nang Calipso‘¹’ ing kapitan nang swa. .. ay! at ing swa maslam ya. Iting kalulu milagiwan ya Tiburcio Espadana, at bista man atin yang atlung pulu’t limang banwa at lupa yang matwa, anak ne man kang Donya Victorina a atin pamung atlung pulu’t limang banwa. Ing sangka'na niti mayan ulingiran, dapot mapanganib sabyan.
Dinatang ya Pilipinas anti mong oficial punto de Aduanas,‘²’ dapot mika bina yang e mayap a palad, subali king maralas yang malilyu at mepile metung a bitis karing layagan, ikit na king kayang pamagbalik kaybat ding labing limang aldo pamaglayag ing kayang pangatiwalag king kayang obra. Mayap na mu misake ya king “La Salvadorar’ inyang ala neng paglugalan.
Medala ne king danuman, e ne bisang mibalik Espanya anggang e ya mika mayap a kalma, at inisip na ing dikil king bage malyaring panakitan. Ing pamagmaragul kastila e na ipaintulut ing dikil ya king obrang katawan. Itang kalulu matula yang magobra ban mye marangal, dapot ing dangalan ding espanyol
1 Menese kang Ulises king kapulwan Ogigia agpang king Mitologia Griega.
2 Opisyal ning Aduana a tutuki karing bapor pauli ning makanyan ing yadwa’ning kayang tungkul.
