é na ipaintulut kaya ita, dapot iting dangalan é ne
aliligtas karing pamangaylangan.
Inyang bayubayu magkabyayan ya king gugul ding kayang kabalen, dapot pauli ning i’Tiburcio marangal ya, ikit nang maki kasakitan ita, ar king kanna'ning taba ya, lalu yang meyayat. Anti na ning dimut ya pegaralan, alang salapi, at alang munye inayap a pamanalakaran kaya, ban dumayu ya karela, ding kayang kabalen inusukan deng magbanda karing lalawigan at pakilala yang doktor king medicina‘¹’ Ing tau sasalansang ya pamu inyang kaunan-unan deng usukan makanyan, uling nung tutu man ing meging utus-utusan ya king ospital ning San Carlos, ala yang abalu king pamanulu : ing obra na ya ing kuskusa'na ing alikabuk karing bangku, sindya’no ring sulu, at iti bina mung sinaguli. Dapot anti na ning ing pamangaylangan mamilit at ding kakalugura’na gisan dang leko ing kayang pamikakunu, pekirandama'na la rin, minta ya karing masakit, sisingil mababa anti mo ing yutus ning kayang balu. Dapot, anti mo ing anak a pilosopo a sasabya’ nang Samaniego/2’ minuli ya rin king pamanyingil mal at pamipaulagang maragul karing kayang pamandalo. Ibat kaniti malagwa yang mibulalag anti mong maragul a talapanulu at mekad misalapi ya pa nung ding talapamuntuk ning pamanulu Menila e ra abalitan ing misnang kamal nang singil ampon ing pamakiligligan a yampang na karing aliwang manulu.
Memilatan la para kaya ring mapilan a atyu Iwal ampon mapilan a propesor.
"Tau keka,” ngara deta king mapangalalung Dr. C., "paburen meng makatipun ditak nang puhunan at potang mikayati’neng anam o pitung libung pesus, malyari neng mibalik king kayang balen at magkabyayan tahimik karin. Kaybat ning sabla, riumanu ka mo kanita? King ya mumulanga'no ring alang pamingat a indyo? E kasi mag-adya la. Metung yang kalulu; e me lalako pagkabyayan. Maging mayap kang espanyol!” Ing doktor metung yang mayap a espanyol at minayag yang paburya’ne i’Espadana. Dapot anti na ning
1 Pamanulu.
2 Metung a pilosopong anak a menugaling anti mo i’Tiburcio Espadanna; king mumuira, mikakunung dapat king e sukat, dapot king pangagawi kaniti, bandang tawli migsoso nang lubus, ala nang ditak mang pamikakanu.
