yang maki samut lungkut at pigunam na ing makatakut
nang aske ning danup. Kapilan man e ya mika matas a
paninap at pamagkakanwari; ding kaburya'na bina lang
karaniwan, ding pamisip na bina lang dimut; dapot
ing kayang pusu, e pa milsinta angga king panaun a ita,
maninap yang aliwang dyosa.
King kayang kayanakan, potang mepagal nang magobra kaybat ning malukang apunan, magkera ne king metung a lumang kama ban larawan ing kayang pengan, matudtud yang mimisip king metung a larawan a titiman at malambis. Kaybat inyang ding ligalig ampon ding pamangaylangan miragdag la, linabas la ring banwa at ing malagung larawan e ya dinatang, minisip nya mu king karaniwan a babaing mayap, byasang midapat-dapat, masipag, a malyaring munye kaya king metung a malating dote,(I) ilimbang ne karing kagapagala'ning obra at pakibungilan mamisan-misan — wa, isipa’no ring pamibungil anti mo ing metung a tula. Dapot inyang mapilit yang lumakad karing myayaliwang kakarinan, manintun e na pisalapyan nune karatunan magkabyayan karing aldo nang makatagan; inyang mika kapaniwalan ya karing salita ra ding kabalya'nang ibat karing myayaliwang kakarinan, sinake yang papunta Pilipinas, ing katutwan minye karinan king larawa'ning metung a matikding mestisa, metung a malagung indya a maki matang mangaragul at matuling, makapiblas seda at imalan a malino, mitmung brilyanti at gintung yampang na kaya ing kayang lugud, ding kayang saken, at aliwa pa. Dinatang ya Pilipinas at isipa’nang kamta'na ing kayang paninap, ding dalaga karing saken a panagawlan pilak a pupunta king Luneta at king Malecon, lalon deng maki samut pamaglalawe mababa. At inyang milako ya king obra, ing mestisa o ing indya limbug ya, at king mitmung pamagkakasakit minalili ya ing larawa'ning metung a mebalu, dapot metung a mebalung pibuburyan. Makanyan inyang akit nang ing paninap na mikekaditak nang kapalyaryan, melungkut ya, dapot anti na ning atin yang ditak a katutubung pamibalakbalak, nganang sinabi king sariii na: “Ita metung mung paninap at king yatu ing tau é ya mabibye maninap.” Makanya'nong lulunasan ding kayang kapikakunwan: ya gagamit yang polbung abyas !Pshe: potang myasawa na la palako
1 Alagang ibye ning babai king lalaking maging asawa na agpang king panaun a ita.
