na ita; atin yang dakal a kulurun king lupa, dapot ing
kayang imalan lain yang dakal a gisi ampon sulsi; metung
yang matwang babaing mapagkakanwari, mapanyupil at anti mong
lalaki, dapot ing danup lalung anti mong lalaki, lalung mapanyupil
at lain pang mapagkakanwari, at para kanita ya mibait yang mayumu
panugali at, ninung makibalu? Ing kapalsintan babayu no
pamanugali ring tau. Ing babai marok yang manyabing
kastila, ya man e ya manyabing masalese kaniti, anti
mo ing sinabi na kaya ning pamuntuk ning kalakal
inyang pabalwa'ne dikil king kayang pangatiwalag, at
subali pa, ninanu ita? King ing babai matwa ya, pangit,
at makasnuk? Ya naman pile ya, alang ipan at
kalbu! I’Don Tiburcio buri na ing maningat kesa king
ya ing ingatan dang masakit pauli ning danup. Potang
ing metung a kakaluguran pagsisti ne, pakibat na ing
“Dinan mu kung tinape at awsan mu na kung makmak.”
I'Don Tiburcio ya ing awsan dang karaniwan a é dapat marok agyang king metung mung lango: mahalan at é makapisinup nanu mang marok a pamisip, malyari yang meging misyonero'” karing minunang panaun. Ing pamanatili na Pilipinas é na aibye kaya ing matas a pamaglalawe king kayang sarili, maragul a ulaga at matas a pamangaylangan kaya a karing pilan mung dominggo malilyari karing dakal karing kayang kabalen. Ing pusu na kapilan man e pa misinup sama; e pa menakit metung mang filibusiero, 2’ ila mung akakit na ring mapilan a alang kalmang agyu nang pamakarinayan ban e ya Junto lalu pang kulang a palad karela. Inyang ume reng isuplung pauli ning pamanulu at pamagbansag medico, é ya menandaman, e ya tinutul Kikilalana’na ing hustisya at ya mung pakibat na ing: "Dapot kaylangan ing mye ya ing tau!"
Uli nita mikasal la at mipangasu, at minta la Santa Ana ban ilabas da ing awsan dang "luna de miel”, pulutgata na ning pamyasawa; king kabengya'ning kasal, i’Donya Victorina mika makatakut yang indigestion,‘¹’ at i’Don Tiburcio pepasalamat ya king Dyos meyakit yang malingap at maingat. Makanyan man, king kadwang bengi, menugali ya at tinupad king tungkul na anti mong taung marangal, at king tutuking abak, in
1 Paring mipadala karing mikarayung karirtan ban mimulat karing tau king pamanyalpantaya king Dyos.
2 Pilipinung talasalungat king kapamahala’ning Espanya.
3 Sakit atyan a pauli ning e pangalaso pengan.
