milimbag karing kayang tarheta ni ing kayang asawa
é re alako king kayang buntuk.
“Nung e ku mike metung pang de isipan dang é ra ka kabilang ding mayap a kaniwan, tonto !” ngana king kayang asawa.
Magsalita yang alang tugut dikil karing pamagsadya na king pamaglayag peKatandana’no ring lagyu ring kakarinan a tuknanga’ning bapor, at metung a bage paninibaywan ing dandaman yang magsalita.
"Alben ke ing ismo king kanal ning Suez; sasabya’nang De Espadaña king ya ing masanting dili at i'De Espadaña migmain ne meto yatu.” — "Mekad ééé na ku magbalik keting balen ding taung mababa kaniwan.”—
“E ku mibait ban magkabyayan keti; buri ku pa ing karin Aden ó Port Said; ibat pa king ana’ku makanya’na ku pamaniwala,” at aliwa pa.
King kayang geografia,1 i’Donya Victorina pipitna’ne ing yatu king Pilipinas at king Espanya, makayaliwa karing mapagsisting pipipitnan de king Espanya at Amerika, o Tsina king aliwang lagyu.
Ing asawa balu na king ding mapilan kareting bage kalaraman la dapot mag-ala yang bulad ban ing babai e ne gulisakan at yatsa king kayang lupa ing kayang pangakakak. Meging masungit ya at maselan panandam ban lalu nang idagul ing paninap nang maging indu ne, mibablas yang myayaliwang kule, kitmwa’neng bulaklak at cintas ing katawa’na at magmain yang makabata mu king Escolta, dapot, oh keyalan kalma! milabas ing atlung bulan at ing paninap meging ala, at anti na ning ala nang sangkan ban ing anak e ya maging revolucionario, e na sindu ing tangkang maglayag. Memangutang ya karing mediku, komadrona, karing mangatwang babai at aliwa pa, at iting sabla meyala ngang ulaga. Ya, king maragul nang kealan tulang Kapitan Tiago, pagsisti ne i’San Pascual Bayion, é ya bisang munta kaninu mang santo o santa, at uli na niti ing metung nang kakaluguran ning kayang asawa ngana kaya:
"Paniwalan yu ku, ginang, ya mu ing espiritung masikan keting maligalig a balen!”
Tiniman yang e makaulingid nung nanu ing masikan
a espiritu, at itang bengi, king oras ning panudtud
kitang na ita king kayang asawa.
----------
1 Aklat a pyakitan king kabilyan ding myayaliwa nang dake ning yatu.
