Alang pamamansing kaninu man, minta yang matulid king kama ning masakit at telana’ne gamat.
"Maria” ngana king é mipamalarawan a yumu, at siniro la ring Iwa karing kayang mata. "Maria! ana'ku é ka paymate!”
I’Maria minulat no ring mata at linawe neng anting magmulala.
Ninu man karing makibalu king pransiskano é na inisip ing atin ya karetang binang mayubung panamdam, é ra isipan ing lalam na nitang magaspang a panaske manitili ya ing metung a pusu.
I'Padre Damaso e ne mekapamigil pa, dinayu ya king daiaga at menangis anti mong anak. Linwal ya ketang sidwan ba'nang ibugnus ing kayang panandaman, lalam detang binang mipaulagan a tanaman ning balku'nang Maria Clara.
"Tutu neng kaluguran ing kayang inanak!” ngarang mimisip ding sabla.
I'Padre Salvi lalawa’neng maratun at alang imik i’Padre Damaso, keketa’nong banayad ding kayang labi.
Inyang mipasno yang ditak, pepakilala ne kayang Donya Victorina ing kayanakan a Linares at iti magalang yang linapit.
I'Fray Damaso linawe ne iting alang bulad, ibat king bitis angga king buntuk, kinwa ne ing sulat a yadwang na kaya at binasang anti mong é ne austa kalamnan, uling nganang kinutang:
"At ninu ikayu?”
"Alfonso Linares,, ing inanak ning kekong bayo...” nganang mikakunu ning kayanakan.
