Ing Padre Damaso inatyat na ing katawa’na, pasibayu
neng pegumasdan ing kayanakan at, mesala lupa,
tinalakad ya.
"E kasi ika ing inanak nang Carlicos!” nganang gingkas at saka ne kinaul. "Kakawlan da ka. . . Ati' nang pilan aldo tinggap ke ing sulat na. .. Ika pala! E ra ka akilala. .. malyare e ka pa makabait inyang mako ku karin. E ra ka akilala!”
At ing Padre Damaso kinaul ne karing mangaragul nang gamat ing kayanakan a kanita mangalutu, e masabi nung uli ning dine 6 ning pangapuput. Balamu ing Padre Damaso akalingwa'nang lubus ing kayang lungkut.
Inyang milabas la ring mumuna nang penandit ning tula at merapat ding mumunang kutang dikil kang Carlicos at kang Pepa, nganang kinutang ning Padre Damaso:
“At, alben ta. Nanu ing buri nang Carlicos a daptan ku keka?”
"King sulat balamu atin yang sasabyan. ..” nganang myuman urut-urut Linares.
"King sulat? Lon ta. Tutu! At buri na ing ilawe ra kang kapanintunan at metung a babai. Hmm! Kapanintunan.. . kapanintunan, mayan. Byasa kang masa at sumulat?”
"Meyari ku king pamagaral ban makapag-abogadu king Universidad Central!"
"Carambas! E kasi talapanintun kang pisasabyan? E na ka man lupang makanyan. . . "Lupa kang anak a babai, dapot, lalung mayap ! Dapot dinan da kang metung a babai. . . hm! hmm! metung a babai. . .”
"Padre, e ku binang mamirapal,” nganang mikukunut Linares.
Dapot ing Padre Damaso lalakad yang pabalikbalik king sidwan at nganang bubulung: "Metung a babai, metung a babai!”
Ing lupa na e ne malungkut, ni e ya matula. Ngeni bina yang tahimik at anting mimisip mabayat. Ing Padre Salvi lalawa na iting sablang malilyari ibat king makarayu.
"E ku isipan king iting bage dina’na kung e mu nanung lungkut!” nganang bubulung Padre Damaso
