"Ing lalung manandaman maragul mu naman ya i’Maria potang abalu na,” nganang Kapitan Tiago, "kalugura’neng anti mong metung a igpa."
Linawe neng patalindiking padre Salvi ing magsalita.
"Ukulan ku, Padre,” nganang tinuglung Kapitan Tiago, "king iting sablang kapanandaman pepauli ning mwa nang mepalyari ketang aldo na ning pyesta.”
"Aku man makanyan ku pamalak, at uli nita mayap ing depatan yung e payntulut king Ginung Ibarrang pakisabya’ne. Malyaring lalung bumayat ing panandama'na.”
"At nung e mu king uli mi,” nganang sinalabat Donya Victorina, "i’Clarita ati’ne sana banwa daralit kapuryan king Dyos.”
"Amen Jesus!” nganing isipa’nang mayap sabyan Kapitan Tiago.
"Kalma yu king ing kakung asawa kanita e ya mika ulwan a maki lalung matas a kabilyan, nung ali mepilit ko sanang minaus aliwa at keti ding sablang manulu pawa lang makmak; ing asawa ku. . ’
"Manwala ku at isundu ku ing kakung sinabi,” ngana namang sinalabat ning kura, "ing pamagkumpisal a depata’nang Maria Clara pepauli na itang kapa nandaman a meging mayan at mekaligtas king kayang bye. Ing metung a kapanandaman a malinis maygit yang dakal karing dakal a panulu at, tandanan yu, e ku payalyan ing upaya ning pagaralan, lalu na ing pamanastas! Dapot ing metung a kapanandaman a malinis. .. Basan yo ring librung banal at akit yu nung pilan lang pangakayap ding merapat king kapamilata'na mu ning metung a mayap a pamagkumpisal.”
"Panupaya yu,” nganang tututul mebuysit Donya Victorina, "itang upaya ning pamagkumpisal.. . Aulu ye ing asawa ning alperes king metung a pamagkum pisal?”
"Ing metung a sugat, ginang, é ya kapanandaman a nung nu malyari yang maki unaya ing panandam!” nganang mekibat matindi ning Padre Salvi, "makanyan man, ing metung a mayap a pamagkumpisal isadya ne ban makayarap masalese karing biglang ligalig a anti mo ing milyari ngening abak.”
