I'Darang Isabel linub ya king sidwa’ning masakit.
I’Maria Clara menatili yang makakera, maputla, misnang kaputla; king kayang siping ati’lu ring adwa nang kakaluguran.
"Kuma ka pang kabutil,” nganang Sinang king maynang siwala, at dirina’neng metung a bage kabutil a maputi a kinwa na king metung a malating tubo kristal. "Sasabya'na ing potang makaramdam kang inge o sisyuk king balugbug, ituknang mu ing panulu.”
"E ne sinulat keka?” ngana king maynang siwala ning masakit.
"Ali ne. Mekad maobra ya.”
"Ala yang pasabi kanako?”
"Ala yang sasabyan nune mu ing pagkapilita’nang ing Arzobispo ikabyus ne king excomunion ban..
Itang pamisabi mituknang pauli ning dinatang ya ing dara.
"Ing pari sasabya'na ing magsadya kang magkumpisal, inang,” nganang minyabi niti, "paburen yeng maglinis yang kasalanan.”
"Dapot, ala pang peparuminggung milabas migkumpisal ya!' nganang tututul Sinang. "Aku é ku masakit at é ku malagad mung mikasala. . .!”
"Aba! é yu balu ing sasabya'ning kura, ing mayap a tau mikakasala yang pitung ukdu patingapon? Ya na, buri mung idala ke keka ing Ancora, ing Ramillete ó ing Camino Recto Para el Cielo?”
I’Maria Clara e mekibat.
"Ya na, é ka paypagal,” nganang tinuglung ning mayap a dara ban ayamu ne. "Aku kabud basan ke keka ing examen de conciencia at ika ala kang daptan nune ing ganakan mu la mu ring kasalanan.”
"Sulatanan me at sabyan mung é na na ku pamu isipan,” nganang sinitsit Marla king balugbug nang Sinang inyang mamun ya kaya iti.
"Makanano?”
Dapot ing dara linub ya at i'Sinang mepilit yang dinayung é mekausta king sinabi na kaya ning kayang kakaluguran.
Ing mayap a dara linapit ne ing metung a luklukan king sulu, sinulud no ring salami’nang makapatumpak
