dapat, anti mo nung makananu rang daraptan ding ikit
na nang dakal a prayle: i’Darang Isabel e ne pa ikit
menaral ing metung cudkero, nung ali pagalgala'na naman sana ing kayang siwala.
Ing dalaga naman, kabang malilyari ita, papagta neng maralas ing panyu karing mata, at ing pamangisnawa na lalung mau-umasid.
"Kayapan a kaladwa!" nganang mimisip dili na ning matwa, “tutu yang mapanusig karing sabla ! Aku mikadakal kung kasalanan at. . . mipakyak tutwanan.”
At migmula ya ing kalimang utus kambe ring lalung mangakaba pang pamanuknang at lalu pang mayubung pamibulung, nung ita malyari pa, king mitmung pamagkapilit, e na no dindam'an ding makakumpit nang siguk ning kayang pangunakan. Pauli na ning metung na pang pamanuknang, kaybat ding kasalesayan king pamakamate magdalang sandata, apansing no ring dalung ning palpikasala. Kanita ing siwala na meko ketang mayubu, binasa na ing makatagan pa ketang utus king siwalang babala, at inyang akit nang ing pangunaka’na manangis ya pa, nganang sinabi:
“Kya’ka, inang, kya’ka!” nganang linapit king pagkeran, "nung kapilan ka matalik kyak kari'na ka lalung malagwang patawaran ning Dyos. Maging keka sana ing sakit ning pamanisi maygit kesa king pamibata.
Kya'ka, inang, kya’ka! E mu balu nung nu anti ing tula kung akakit da kang kikyak! Dugdugan mya naman ing kekang salu, dapot e mu pakasikan uling masakit ka pa.
Maygit pa kanita, anti mong ing kasakitan ban dagul kaylanga’na ing lihim at pamagdilidili, i’Maria Clara, inyang akit nang mebante yang kikyak, makakalale yang tinuknang sisiguk, pinulis nong alang bulad ding kayang mata at e ne pekibatan ing kayang dara.
Iti naman sindu na ing kayang pamamasa, dapot anti ning ing pamanangis ning kayang pakirandam tinuknang, mebating ing kayang tula, ding tawling utus dininan dya mung tundu at pepaunyaban, king maragul nang pangabawas ning pane pamibulung a kanita mituknang.
"Nung e mu akit e mu panwalan!” nganang mimisip ning mayap a matwa. "Ining anak mikakasala
