balen a bitasang mipamarsalanan anti mo ing sadyang
mararapat, at kanita, nu anti ing kapaslangan a merapat!”
"Paburen king balen mabyasa yang maglwalu king sarili na, paburen king ing balang metung paglwalu na ing sarili na !”
“Balu yu king ita e malyari! Ginu, akakilala ra kayu ketang panaun a nung kapilan matula ko pa. Kanita dirinan yu kung matenakan a usuk. Paintulutan yung.. .?”
Ing matwa temimi no ring kayang takde at anti yang makirandam.
“Ginu,” ngananr milud Elias, susukad mayap ka^ ring kayang amanu, “mika kalma kung mayap mekarapat metung a dapat-mayap king metung a kayanakan a masalapi, mayap a pusu, sugi at malugud king kanwana’ning kayang balen. Sasabyan da king iting kayanakan atin yang kakaluguran karin Madrid, e ku balu, dapot, wa, malyari kung bitasan kekayu king kakalugura'ne ning Kapitan Heneral. Ngayu paya nung kaya ta patad ing dalung na ning balen, nung ayagyag tayang mikalub king bili ra ring alang kalma?”
Ing matwa piling ne ing kayang buntuk.
"Sasabyan mu king mabandi ya? Ding mabandi ala lang isipan nune mu ing pangaragdaga'ning karelang pibandyan. Ing pamagmaragul at ing kasayan bubulaga’na la. At anti ning ding dakal karela masalese la bili, lalu na potang atin lang mayupayang kakaluguran, ala metung man karelang paipangabala king uli ring alang kalma. Balu ku ing sablang iti uling meging mabandi ku! ”
“Dapot ing taung sasabyan ku kekayu é re kalupa ring aliwa. Metung yang kayanakan a mipalkaran king katandanan king kayang igpa. Metung yang kayanakan a pauli ning ume yang mika sapni, mimisip ya king paintungul, king metung a mayap a paintungul ding kayang maging anak.”
“Uli nita metung yang taung ume maging matula; ing kekatang pagmasakit é karetang taung masaya.”
“Dapat kareta ’yang taung ating pusu!”
“Mananu na pin sa!” nganang mekibat linukluk ning matwa. “Alimbawa mayag yang midala king kekatang siwala king Kapitan Heneral, alimbawa ma-
