Ban maging banal ya ing gatpanapun neng Domingo, ding tau Pilipinas pupunta la karing sabung, anti mo karing torn, ding tau Espanya. Ing sabung ding manuk, paglimbang a milub keting balen at mipalakad maygit nang dinalan a banwa, metung karing meging bisyu ning bdlen, maygit pa king opyu ring intsik. King sabung pupunta ya ing maluka at tataya ing atyu kaya, king imbut a manakitan yang kwaltang é ya magal. Karin pupunta ya ing masalapi ban maglimbang, gagamita’na ing kawltang lalabis karing kayang pamagtau karing pyesta ampon karing misa de gracia; dapot ing pibandyan a susugal na kaya, ing manuk mesese ya't miyanad e mu nanu, mekad maygit pa king anak a lalaki, a maging kalili ning igpa king sabung, at ala kaming nanu mang atutul.
Pauli ning ing Kapamahalan payntulut na at angga na king halus yampang na ngening yutus na ing iting sabung marapat mu kabud karing plasang malda, karing aldo ring pyesta (ban ding sabla malyari rang akit at ing alimbawa niti makakayap?), kaybat ning misa mayul anggang dalumdum (walung oras), munta tamu at manalbe king pyalung a iti ban panintunan ta la ring mapilan a kakilala.
Ing sabungan San Diego e ya makayaliwa karetang mayayakit karing aliwang balen subali mu king mapilan bage. Atin yang atlung tapuk: ing mumuna, o kaya ing piluiuban, metung yang maragul a rektanggulong maki anggang adwang pulung metru king kaba, at labing apat king lapad. King metung nang dane makabusni ya ing metung a pasbul a parati nang babanten ning metung a babaing mipamahalan sisingil king espiritu o bayad king paglub. Keting kontribusyon a
