Kabang i’Kapitan Tiago sasabung ne ing kayang lasak, i'Donya Victorina magmain ya king balen king nasang akit na nung makananu la ring bale ra at palayan ding mangatamad a indios. Mibablas ya king pakalung malinang, penagawla’no king kayang batang seda ding sabla nang cintas at bulaklak ba’nang pakit karing probinsyano nung nu anti ing pamikandayung mamilatan king pamikatawa’nang sagrada ampon ila, at makatalan king takde ning asawa nang pile magmain yang anti mong pabu karing dala’ning balen, king e mu nanung kasnuk at pamagmulala ring taung balen. Ing pisan a Linares melakwan ya bale.
"Pangatsura ra bale ring indyong dete!” nganang migmulang makangisngis Donya Victorina. E ku balu nung makananu lang mabibye kareti: kaylangan ing maging indyo ban arapat mu ita. At karok da pegaralan at kapagmaragol! Asasaganan da kata at e la man mamuge. Pukpukan mo buntuk anti mo ing daraptan ding kura ampon ding tenyente de la gwardya ; ituro mo king tampang pamanugali.”
"O nung labanan da ku?” nganang kinutang ning Dr. De Espadaña.
"Para kanita lalaki ka!”
"Da . . . dapot pile ku!”
I’Donya Victorina lalu yang dorok a lub; ding daJan e la makabatu at ing kola ning kayang bata kakatmu yang alikabuk. Makasagana la pang dakal a kayanakan a babaing potang lalabas la bababa ro ding paglalawe at e la magmulalang anti mo ing sukat king maluhu nang piblas.
Ing kutseru nang Sinang a makisake kaniti ampon king metung nang pisan king metung a masanting a
