kayang asawa. Ika e ka lalaki. Sayang la ring pantalun
a asisira mu!”
"Da. . . dapot, babai keka. . . ding gwardya... aku pile ku!”
"Dapot meng pakilabanan barilan o sabli, d nung ali... nung ali..
I'Donya Victorina linawe no ring ipa’ning asawa na.
"Inang, kapilan man e ku pa tinalan . . .”
I'Donya Victorina e ne pepaburen memupus : king misan mung pamangong leko ne ipan libutad ning dalan at saka ne sinikad. Ing lalaki, halus kikyak na, at ing babai mikakamas pa, miras la bale.
I'Linares ketang penandit a ita makisabi ya kari Maria Clara, Sinang at Victoria, at anti ning ala yang balu nanu man king mepalyari, meligalig yang é mu nanu inyang akit no ring kayang kamaganak. I’Maria Clara a ketang penandit a ita makahilig king metung a silyon pilatan ding ulunan at ulas, migmulala yang é mu nanu inyang akit na ing bayu nang itsura ning kayang doktor.
"Pisan,” nganang Donya Victorina, "ngeni kabud pakilabanan me ing alperes 6 nung ali.. .”
"At, baket?” nganang kinutang mipamulalang Linares.
"Pakilabanan me ngeni mu rin 6 nung ali sabyan ku karing sabla keti nung ninu ika.”
"Dapot, Donya Victorina!”
Ding atlung mikakaluguran mipapaglalawe la.
"Isipan mu na! Ing alperes pilmura'na katamu at sinabi na nung nanu ka ! Ing matwang bruha tinipa yang magdalang latiku, at ini, ini pepapalmura ya... metung a lalaki!”
"Abah !” nganang Sinang, "mipate la, e tamu ikit 1”
"Ing alperes linugus ne ipan ing doktor!” nganang dinagdag Victoria.
"Ngeni kabud munta ke IMenila; ika malakwan ka keti ban pakilabanan me, at nung ali sabyan ku kang Don Santiagu ing kalaraman ngan ing sinabi mu kaya, sabyan ku . . ."
