"Makanayun kung atin ping marok,” nganang mekibat Ibarra, "dapot tanggapan ta la deting dewakan pauli ring kayapan a kayabe ra. Iting bili malyaring ganap king kayapan, dapot panwalan yu, king uli ning takut aputut na ing pangarakal ding kriminal.”
"Maya'pang sabyan yung king uli na niting patakut lalu lang dinakal,” nganang miglarin Elias. "Bayu ya mitangka ing tapuk ding gwardya sibil, ding sablang talapanyapat marok halus, subali karing mapilan, krimina’la uli na mu ning danup ; maglub la at manaKo ba’lang mye, dapot potang milabas na ing danup, ding dalan pasibayu lang malinis kareti. Ketang minuna ring manyapat marok malagwa rong apapulayan karing makalunus dang sandata ring kalulu dapot mangatapang a kwadrilyero, deting pituyatuya ring memanyulat dikil king kekatang balen, detang ing katuliran da ya mu ing paymate, ing tungkul da ya ing makilaban, at ing pakinabang da ya ing karela pamituya. Ngeni ati' nang tulisan, at deti makanya'na la king kekaba’ning karelang bye. Ing metung a pamagkamali, ing metung a pamikasalang misnang sangil miparusan, dmg kapanalansangan karing kapalalwa'ning upayang iti, ing takut karing makapangalimgiman a pasakit itapus nong alang kapupusan Iwal ning kapulungan malda at atula'nong makamate ó paymate. Ding pasakit a darapta'ning gwardya sibil leko na karela ing pamanisi, at anti na ning ing tulisan makilaban ya at maglwalu king sarili na king bunduk mayap ya kesa king sundalus a pagsisti na, ing kawlyan ya itang e tamu agyung anipatan ngeni ing kararaptanan a kekatamung lelangan. Ganakan yu ing kapaningatan a depata’ning Kapitan Heneral De la Torre: ing indultung pigkalub na kareting kalulu, pepakit na king karing bunduk titibuk la rin ding pusu ring tau at manenaya la mung kapatawaran. Ing pamamatakut magamitan ya mu potang ing balen alipan ya, potang ding bunduk ala lang lukib, po tang ing upaya makapibili yang bante gulut ning balang dutung, at potang king katawa'ning alipan ila mung atyu ding dungus ampon ding bituka; dapot kabang ing ala nang kapanayan king kapamahalan at makipagkal ba’yang mye darandama'nang masikan la pa ring kayang takde, titibuk ya ing pusu at ing mabilug nang pangatau mitmu king sama, malyaring ing patakut apatda na ing silab a ala nang tugut tatamban?"
