"Ati'nang anam a pulung banwa, i'ingkung ku rnanuknangan
ya Menila at magobra yang anti mong
tenedor de libros king tanggapa’ning metung a talapangalakal
a espanyol. I’ingkung ku bina ya pang anak
kanita, talasawa at maki metung a anak. Misan a bengi,
e mebalu nung makananu, mitau ya ing almasin, ing
api kinalat king meto bale, at ibat kaniti linipat karing
dakal pang aliwa. Ing mesilab binang dakal, penintun
de ing makipasari at ing talapangalakal binintangana’ne
ing kanakung apu. Iti meyalang kabaldugan ing kayang tutul,
at anti ning maluka ya’t e makapamayad
karing kabalitan a abogadu, miyatulan yang mabarug
pyalben ding malda at mipalakad karing dala'ning Menila.
E pa melambat gagamitan da pa iting makahale
pamamarusa a ing balen awsa'nang cabayu at baka,
libung ukdung marok pa kesa king kabud kamatayan.
Ing kakung apu, pepainggulutan ding sabla subali mu
king anak nang asawa, migapus ya king metung a kabayu,
tatalukyan ding dakal a alang lunus, mababarug
king balang pipaklyan ding dalan arapan ding tau, ding
kayang kapatad, at karing lelayan ding dakal a pisamba’ning
Dyos ning kapayapan. Inyang itang kalulu,
salanta nang alang kapupusan, abayara'na na ing pamamali
ra ding tau king kayang daya, king kayang kasakitan at king
kayang gulisak, kelagan de king kabayu
ala neng male tau. Mayap sana nung mete ne! King
uli na ning aliwang adle sengilan, dininan de pang
katimawan. Ing asawa nang mabuktut kanita, ala yang
kalmang memagpakalulu king balang pasbul ban makapagobra
o manyawad ditak a limus ba'neng asese
ing asawang masakit ampon ing kalulung anak. Dapot
ninu ing makirandam king asawa ning mapanyilab at
marok? Ing asawa, uli nita, mepilit yang dinikil king
kapanintunan ding babaing marok!”
