yap nang diling dake ning tau, anti mo nung makananung
ya mu rin ing malagwang diling makilala, binitin de arapa'ning
buntuk ning kayang indu!”
I'lbarra beba ne ing kayang buntuk.
"Ing makatagan a anak tinakas yang anti mong metung a marok,” nganang misundung Elias, "migtipas-tipas ya karing myayaliwang balen, karing bunduk at kapatagan, at inyang isipa'nang é ne makilala, linub yang anti mong talapagobra king bale ning metung a masalapi king lalawigan Tayabas. Ing kayang sipagan, ing kayap ning kayang panugali ikwa na ing panalala ding é makibalu king kayang milabas. King kapamilata’ning pamagobra at pamagtipid mekatipun yang ditak a puhunan, at anti ning ing kasakitan milabas na at ya anak ya pa, inisip na ing manintun tula. Ing mayap nang pamanugali, ing kayang kayanakan at ing bill nang magdala nang kanawan meging galal na ing lugud ning metung a babai king balen a nung kaninu gamat é na naman ayawad agpang king pyugalyan a ugali uli ning takut mabalu ing kayang milabas. Dapot ing kapalsintan migtagumpe at ding adwa migkulang la king karelang tungkul tupad karing kautusa’ning karaniwan a palakad king pamyasawa. Ing lalaki, ban aligtas na king kamarinayan ing dangala’ning babai, teya na ing sabla, inawad na ing karelang pamikasal, penintun do ring kaylangan a kasulatan at mebalu ing sabla. Ing igpa ning babai masalapi ya, delum ne ing lalaki, at iti e na piglwalu ing sarili na, tinggap na ing sabla at mesukul ya.
"Ing babai mika anak yang adwa, metung a lalaki at metung a babai a mesese lihim at mipapanwalan mete ne ing karelang igpa. Itang bage é masakit, ikit deng mete ing karelang indu king karelang kayanakan at é ra na binang aisip ing manyangi king karelang pipunpunan.
"Anti na ning ing kekeng ingkung masalapi ya, ing kekeng kayanakan binang masaya; ing kakung kapatad ampon aku mipapagaral keng myabe, mikalugud keng mayap anti mo nung makananu lang mikalugud ding mibait kambal a alang balung aliwang lugud. Bina pa mung anak mipapagaral ku king kolehyu ding heswita, at ing kakung kapatad, ban é ke mikawaning lubus, milub ya king Concordia. Meyari ing makuyad ming pamagaral, pablasang ya mung angad mi ing ma-
