nib ko kaya, e yo kakabat ding panandam king kayang
siwala, maging alimbawa ko karing aliwa, pakilala
yu nung nanu ya ing awsan dang balen!”
"Alang kapalyaryan ing yadwa'ning balen. Kaylangan ing manaya.”
"Manaya. Ing manaya ya ing magkasakit é mu nanu!”
"Nung yadwan ku ing sasabyan yu, kaylyan da ku."
"At nung ing balen talakara'na ing kekong daptan?”
"Ali kapilan man! Aliwa aku ing tumaid karing malda ban kwanan king kapamilata’ning sikanan itang ing kapamahalan isipa’nang é pa sukat. Ali! At nung misan akit kong makasandata ring malda, munta ku king panig ning Kapamahalan at pakilabanan ku la. pablasang king makanyan a kagulwan é ke akit ing kakung baba. Imbut ku ing kayang ikakayap, at uli nita patalakad kung pipagaralan, panyangyan ku ita king kapamilata’ning pamituru, king panyulung a alang tugut. Nung alang sala, ala tang tuntunan.”
"Nung alang pamakipagkal ala mu namang katimawan!” nganang mekibat Elias.
“E ku buri ing makanyan a katimawan!”
"Nung alang katimawan alang sala,” nganang mekibat matindi ning piloto. “Sasabyan yu king é ye makaing balu ing kekatang balen. Panwalan ku. E yu akakit ing pamakipagkal a misasadya, é yu akakit ing lulam king makarayu. Ing pamipagkal magmula karing karurukan ding pamisip ban kaybat kuldas karing pipamukan a mikulayan daya. Darandaman ku ing siwala ning Dyos, kalulu nong da ding salangsang kaya! Ing historya é misulat para karela.” I’Elias miyaliwa ya aske: makatalakad, alang kupya, ing lupa nang tune lalaki aslaga’ning bulan, atin waring bage é karaniwan at e mataluse atyu kaya. Sepula ne ing malabung nang bwak at nganang tinuglung:
"E yu akakit nung makananung ing sabla migigising? Ing tudtud menatiling pilan dalan a banwa, dapot misan a aldo mibugnus ya ing kildap, at iti king pamanyintang na inaus na ing bye. Ibat kanita ding pamisip menibayu nong kapupuntan, at deti mikakawani
