Ing malamarine Linares e bubulad dapot misna yang kabalisan a pamisip. Ibat ne panning tinggap ing metung a sulat nang Donya Victorinang misnang pamagkasakit a pangasulat king kastila at mangamanung migit o kumulang, anti kanini:
"Kaluguran kung pisan:
- Kilub ning atlung aldo buri kung abalu keka
nung pete na na ka ning alperes o ya ing pete mu. E ku buri ing milabas ya pa ing patingapun at itang animal a ita e miparusan. Nung milabas iting panaun at ika e me pa pekipaten, sabyan ku king kapitan Tiagu ing kapilan man e ka meging sekretaryu, ni e ka meging kayabe nang magmain maglimbang ning Heneral Don Arsenio Martines. Sab yan ku kang Clarita king itang sabla pawa mung pamaglinlang at ika e ra na ka dinan metung mu mang pera. Nung pakipaten me pangaku kung ibye ing sablang buri mu; inya alben ku nung pa kipaten me. Pauna ku mu keka king kaniti alang pamipayali o pamanyangkan.
- Ing pisan mung malugud keka.
- VICTORINA DE LOS REYES
- DE DE ESPADAÑA
- VICTORINA DE LOS REYES
Sampalok, Lunes Ka-7 na ning bengi
