Ing banwang malulam sasalikut ne ing bulan. Ing marimlang angin a pabalu king daratang a disyembre lelele na la ring mapilan a bulung a malangi ampon ing alikabuk king makitid a dalan a papunta king kutkutan.
Atlu lang anino ring misasabing mayna lalam na ning pasbul.
"Akasabi yu ne i’Elfas?" nganang kukutang ning metung a siwala.
“Ali ke. Balu mu na king bina yang malagad da ratang at bina yang maingat, dapot dapat yang kayabe tamu. Segipa'ne bye Don Crisostomo.”
"Uli na nita, tinanggap ku,” ngana ning mumunang siwala, i’Don Cisostomo paulu ne ing kakung makibale king metung a mediku karin Menila! Aku ing mainahala king kumbintu ban makapipaglinis king pisasabvan ning kura.”
"At ikami, ing kwartel, ban sabyan mi kanng taung balen king ing kekeng igpa atin yang anak."
"Maging pilan kayu?"
"Lima, kambe ra pa ding aliwang lima, ganap na kami. Ing utusa'nang Don Crisostomo sasabya'na mg maging adwa keng pulu.”
"At nung e ko Iwal masalese?"
"Stt!" nganing metung at ding sabla migtahimik la. Busal na nitang myayo dalumdum mayayakit yang daratang ing metung a anino, mamampigi ya king bakud; balang mapilan penandit tutuknang ya anti mong atin yang babalikdan banda ning kayang kagulutan.
