“Nanung panayan yu keti? nganing siwalang maragul.
“Ing tigtig sana ing kawalu ning bengi ban akwa ke ing ipis ding mete, bisa kung manakitan metung a alaga ngening bengi,” nganang mekibat ning metung king siwalang karaniwan. “At ikayu. obat dinatang ko keti?”
"Makanyan . . . mu naman.”
“Abah, matula ku, atin kung kayabe. Magdala kung ipis. King mumunang pangatigtig ding kumpana, itaya ku la ring mumuna; king kadwa, iladlad ku no ngan, ding kimut ila ring ipis da ring mete at pisamsaman la king kapamilatan ding tabak. Magdala kayu namang ipes?”
"Ali ku!”
"O nung makanyan . . .?”
“Makanyan mu. Anti na ning dirinan da kong puhunan ding mete, panayan kung aku man dinan da ku.”
“At nung ding mete e la munye?”
"Nanu ing dap tan? Ing sugal e pa megawang sapilitan karing mete ...”
Mika ditak a katahimikan.
"Atin kong sandata? Makananu kong makilaban karing mete?
“King kapamilatan ding kakung takde,” nganang mekibat ning maragul karing adwa.
"Ah, diablo, ngeni aganaka ku! ding mete e la pupusta nung ding mabye maygit la king metung, at itamu adwa tamu.”
"Makanyan? King tutu e ku bisang mako.”
"Aku man ali ku, mangaylangan kung kwalta,” nganang mekibat ning malati karing adwa, “dapot atin tang arapat: misugal tamu itang adwa, at ing masambut mako ya.”
"O dale . . .” nganang anting alang tula ning maragul.
"Nung makanyan, ya na. .. atin kong posporo?”
— Linub la king kutkutan at menintun, ketang myayo sala at dalumdum, metung a kakarinan mayap pagbilyan. Misasaguli menakit lang metung a nitso a
