nung nu la linukluk. Ing mababa kinanwa yang mapilan
ipis king kayang salakut, at ing metung pepatawa’ne ing
metung a palitung posporu.
King sala mipaglalawe la, dapot, king aske ringkarelang lupa, é la mikikilala. Makanyan man, itamu akikilala ta ya i'Elias ketang matas at king siwalang maragul, at king malati, i’Lucas, uli ning byuk na king pisngi.
"Malsa kayu!” ngana niti kabang pagumasda’ne i'Elias. Tepus no ring mapilan butul a akit na babo ning nitso at megut yang metung a alas at metung a kabayu. I’Elias sisindi yang pospuru balang mapupud ya ing metung.
"Keng kung kabayuI ngana at, ban dina’neng tanda ing ipis, timpak ne babo na niti ing metung a butul-tagyang tau.
"Oya'na!” nganang Lucas, at karing apat o limang ipis menikwa yang metung a alas.
“Mesambut kayu,” nganang tinuglung, “ngeni lakwan yu na kung dilidili uling manintunan ku.”
I’Elias, alang sinabi nanu man, meko yang lalale at limbug king kadalumduman.
Kaybat ning mapilan penandit mctigtig ing kawalu ning bengi king relo ning pisamban at ing kumpana pepabalu na ing penandit ning animas, pamangadi para karing kaladwa king purgatoryu; dapot i’Lucas ala yang inanyahan sugal, e no inaus ding mete anti mo ing yutus ning lalakad a maling kapaniwalan, nune leko ne ing kayang salakut, bilung no ring mapilan pangadi ampon mengurus mitmung kasapsap anti mo nung makananu nang daptan king penandit a ita ning pamuntuk ning Cofradia ning Santisimo Rosario.
Itang benging ita migpatakpatak ing uran. Itang kasyam na ning bengi ding dalan madalumdum na la at alang tau. Ding pasul laru a dapat nang isabit ning balang pibalebale, é ra man apapasala ing lepara'ning metung a metru. Balamu misindyan la ba’mung lalung mayakit ing dalumdum.
Ding adwang gwardya sibil magmain lang balikbalik karing mingatba nang septi ning dalan, malapit king pisamban.
"Marimla!” ngana king tagalug ning metung a maki tonung bisaya. "Ala katang arakap metung mang
