dominiko a ngeni mete na bista’t pagkapilita'neng
bibyayan ning Papa Leon XIII. Alang papang makabye
pa king metung a bage inatula'na nang mate ning pamalak malda.”
"Dapot, nu tamu minta?” nganang menaliwa tonu. "Ah, misasabi tamu dikil king salukuya’nang bili ning Pilipinas . . . Wa, ngeni magmula tamu king panau' ning pamakipagkal, o ngaku wari, ikayu. Ing kekaming panaun disa'na na ing kayang kabengyan. Mako na kami. Ing labanan atyu king milabas a magkapilit miyayaya king mikunung kastilyo ning matwang kapanyakupan ampon ing paintungul, a ngeni pa daralit nang masaya king kayang tagumpe karing mayayaninag na nang sala ning saslag a aldo, magdala king kayapan a atuklas da ring aliwang bansa. Ninu ring mitimbwang at mikutkut karing kasiran ding bage mangalagpak?”
Ing matwa migtahimik ya, at inyang akit nang lalwa’neng Don Filipo kabang iti mimisip yang malalam, tiniman ya at nganang minyabi:
"Halus au-ulan ku ing kekong isipan.”
“Tuto?”
"Isipan yu ing malyari kung magkamali,” nganang malungkut tiniman, "ngeni atin kung lagnat at e bitasa ing aku e ku magkamali. Aku tau ku at alang bage dikil king pangatau a pagmulalan,” nganang Terencio. Dapot nung ditak mu man mipaintulut ing maninap, baket e maninap karing bage mangayap karing tawling oras na ning bye? At king tutu, mebye ku bukud mung karing paninap ! Atin kong katuliran, paninap! Ding kekatang kayanakan ala lang isipan nune mu ing kapalsintan ampon ding pamagsaya. Dakal pa ing panaun a dirikil da at magobra lang maygit ban alinlang de at alako dangalan ing metung a dalaga kesa king misip king ikakayap ning karelang balen. Ding keka tang babai, king pamaglingap da king pibalebale at king sapni ning Dyos, akakalingwan da ing karelang sarili. Ding kekatang lalaki diriki'la mu king bisyu at bayani la pota mung king kamarinayan. Ding anak mimumulat la king dalumdum at king ugaling e na mibabayu; ding kayanakan daralan do ring lalung maulaga rang banwang alang masalese kapupuntan; at ing ketwan, alang arapat a mayap, maging alimbawa lang e mayap ning kayanakan . .. Matula na kung mate ... “Miras na ing kapupusan, anak!"
