makakulutun a kile, tutukya'ning kayang makibale a
titiman e mu nanu anti mong metung a sira.
“Ah, Padre Cura! pakikitan da ko sang talaga ngeni, ing kekong kambing . . ”
"Atin kung pisasabyan a tutung maulaga . .
"E ku apaintulutan ing pangkai sisiran da ing kakung bakud . . . barilan ke pati dinatang yang pasibayu!”
“Wa, nung mikapanaun ko pang mye angga bukas!” nganang susunga ning kura at tinaglus ya king sala.
“Nano? panwalan yu ing apate na ku nitang munikang pitu pang bulan? Pasulagpo ke king metung a paldak!” I’Padre Salvi minurung ya at e na sasaryan alawe ne bitis ing alperes.
"Ninu ing sasabyan yu?” nganang gagalgal kinutang.
"Ah!” nganang mengisnawa ning kura at nganang tinuglung: “Dinatang ku ba’ra kong pakisabyan dikil king metung a bage binang kaylangan.”
“Patugutan yu na ku sanang pagdalang asuntu. Kalupa na nitang karing adwang baintao?” Nung ing sulu e ya mu sulung laru at ing tubo e binang marinat, ikit na sa ning alperes ing putla na ning kura.
“Ngeni makapanganib talaga ing bye ra ding sabla! nganang minyabing mayna niti.
“Tutu!” nganang minulit maputla ning alperes, "masalese yang maril ing kayanakan a ita?”
“Aliwa ya ing sasabyan ku.”
"Nung makanyan, ninu?”
Ing prayle tiru ne kaya ing pasbul at iti sera ne king sadya nang paralan, king metung a sikad. King alperes kalabisa'no ring gamat at ala sang nanu naman ing makanyan, dapot ing metung a syo ampon ing panagkas merandam la iba’t kilwal.
"Bruto ! bilbal mu ku kanwan ! nganang gmulisak ning asawa na.
"Ngeni, manyabi kong ganap!” nganang banayad ning kura. Linawe neng malambat ing alperes, at
