This page has been validated.
mapait at nung nu bubukal ing sama:
“Lon yu kung mayap! Lon yu nung é ku migkasakit é mu nanu, at ikayu magkabyayan kayu, malsinta, mabandi, maki bale maula, marangal, magkabyayan mayap . . . magkabyayan mayap! ”
At sira pamisip, milai ya king malating sidwan a karinan ding sandata, dapot ya pang pamamagut na karing adwang punyal, abalag na la, at anti mong mamulang, linawe ne i'lbarrang alang kimut king kayang katatalakaran.
“Nanu ing daptan ku?” nganang bubulung at papulai yang meko ketang bale.
