ring gasgas a é na sadyang kamalayan, magsandal
karing mikatwa nang pun dutung, mangasabit karing
paluput at malabung a dikut. Maglalawe banda king
balen a lalam nang bitis king kababan mandilu king
sala ning bulan, makaladlad king kalapdan, makabebe
karing pampang ding kadagatan. Ding ayup, migising
king karelang panudtud, pasisulagpo la; ding misnang
pangaragul a paniki, kulayu at aliwa pang kayabe ra
deti mangayabwang la at pasipaglipat la karing sanga
kambe ring makapangaklingan dang gaga at lalon de
i’Elias karing mangabilug at pakasilad dang mata. Iti
é no man darandaman o papansingan. Anti re mo waring
tutukyan ding mamalsala rang anino ring kayang
pipunpunan. King balang sanga akakit ne wari ing
salikap a magdalang marok a wagang kalulanan ning
madaya nang buntuk Balat, anti mo nung makananu
neng lerawan kaya ning kayang igpa. Anti ne mo waring atatakiran king bitis ning balang dutung ing impu
nang mete. Akakit no waring bitinbitin busal ning
dalumdum ding dutung ding mitaga'nang butul ning
apu nang mipalamang ... at iting butul, ing matwang
babaing mete, ampon ing buntuk gugulisak da wari
kaya ing : mataloti! mataloti!
Likwa'neng Elias ing bunduk. Dinayu ya't pepaibaba king kadagatan, king pampang a balisa nang babaltangan. Dapot karin, ketang marayu, libutad ning danuman, a nung nu ing sala ning bulan linalang waring ulap, ikit ne waring linto at gagalo ing metung a anino, ing anino ning kayang kapatad a babaing daraya king salu, ing bwak na makasalbag at gagalo king angin.
I'Elias siniklaud ya king balas.
"Ika man!” nganang bubulung at tatas no kaniti ring gamat na.
Kaybat na niti, makalawe matulid king ulap, makakalale yang tinalakad, sinulung at tinalbug king danum, anti mong atin yang tutukyan. Lalakad yang paibaba ketang banayad a dalusdus ning gabun. Marayu ne king pampang, ing danum angga na nang awakan at susulung ya, tutuking anti mong tataira'ning metung a anino managyat. Ing danum angga na nang salu .... dapot ing akbung ding dakal a baril merandam na naman, ing larawan king pamigunam na mipda ya at ing baintau mibalik ya pamisip king katutwan. Salamat king katahimika'ning bengi at king kakapala'
